Itaia 55:7 - Te B'aib'ara

⁷ Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 55:7 ပူးပေါင်းရင်းမြစ်များ

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 15:4

Ma n taai ni kabane are e roko iai te kaangaanga, ao a rairaki Iteraera nakon te UEA ae Atuaia ma n taromauriia.

2.Rongorongo 30:6

E m'ananga ni kabutai taabo nako ana tia ua rongorongo Etekia i aon Iteraera ao Iuta ma taian reta aika a kaangai kanoaia: Kaain Iteraera, ngkai e reke maiumi man aia buaka uean Aturia, e a roko te tai ae kam a riai n tanrikaaki iai nakon te UEA ae te Atua are e taataromauriaki irouia ara bakatibu ake Aberaam, Itaaka, ao Iakob'a. E na toki unna ngkana kam karaoa aei.

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 130:7

Iteraera, kam na kaantaninga te UEA, b'a e teimatoa ana tangira ao E tauraoi n taai nako ni kakamaiu.

Taian Areru 51:1

Te Atua, nanoangaai, b'a akea tokin am Atataiaomata! Kaitiakai man au bure, b'a e bati am Nanoanga!

Taian Areru 66:18

Ngke arona b'a I a kamani katinanikui taekan au bure, Ao E na bon aki ongo irou te Uea.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 21:12

Ao I kaeka man te boua are au tabo n tei ni kaangai, “E na waekoa n roko te ngaina, ma e na manga oki naba te tairiki. Ngkana ko kan ataia riki, ao ko a manga oki riki rimwi.”

Itaia 31:6

Kaain Iteraera, ooki! Ko a tia n rairaki nako mai roun te UEA.

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

B'aeb'aeti 3:40

Ti bon riai ni taratarai maiura, ao n okira te UEA.

Etekiera 14:6

Ko na tuangiia Iteraera ngkai Etekiera ni kaangai: Bon te UEA ae te Atua Ngai. Kam riai ni katoka taromaurian taiani bouannanti aika a rangi n ribaaki ao okirai.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Mareko 7:21

B'a a oti nako mai nanon te aomata ao man ana iango, naano aika buakaka, ake a kairiia b'a e na karaoi baika buakaka: b'a e na wene ni bure ma aika akea buia, e na kimoa, ao e na tiritiri; e na wene ni bure ma aika iai buia,

Mareko 7:23

Baikai ni kabane a nako mai nanon te aomata, ao a kam'araea.”

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 15:24

b'a e mate natiu aei, ao e a manga uti; e bua, ao e a manga reke.” Ao a botaki ni kim'areirei.

Ruka 7:47

Ma ngaia ae I tuangko b'a e bati ana tangira i bukina ngkai a kab'araki ana bure aika bati; ma ane aki bati ana bure ni kab'araki, ao e aki bati ana tangira.”

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.