Itaia 55:6 - Te B'aib'ara

⁶ Rairaki nakon te UEA! E boni konaa naba n reke. Weewetea te Atua! E kaan.

Itaia 55:6 ပူးပေါင်းရင်းမြစ်များ

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

Etira 10:2

Ao e taku Tekania are natin Ieiera te m'aane man ana utu Eram: Etira, ti a tia n aki ongotaeka iroun te Atua ngke ti mare ma aine aika Ianena, ma bon iai naba te kaantaninga i bukiia Iteraera,

Iobi 8:5

Ma rairaki ngkai, ao ononiia te Atua ae moan te m'aaka;

Taian Areru 14:2

E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taian Areru 145:18

E tauraoi ni buokiia akana butiia ma nanoia ni koaua.

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 75:1

Ti katituaraoiko, te Atua, ti katituaraoiko! Ti kaotiotiko b'a Ko kakannato, ao ti tataekin baika kamimii ake Ko a tia ni karaoi.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Itaia 65:24

Im'ain tokin aia tataro, ao N na kaekai aia tataro.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Etekiera 14:6

Ko na tuangiia Iteraera ngkai Etekiera ni kaangai: Bon te UEA ae te Atua Ngai. Kam riai ni katoka taromaurian taiani bouannanti aika a rangi n ribaaki ao okirai.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 8:6

Ao e a manga taku te Atua, “Kam noora aia bure Iteraera ae moan te kakamaaku? Aikai buure aika a karika au Tembora b'a te tabo ae e aki tau i bukin taromauriau. Ma e ngae n anne, ao kam na noori riki b'aai riki aika a buakaka nakon aei.”

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Iona 3:8

Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.

Mataio 5:25

Ko na bareiko n raoiakina te aomata are na uota taekam nakon te kabowi n te tai are ko mena iai ma ngaia i aoni kawaimi nakon te kabowi, b'a e kawa n anga ngkoe nakon te tia motikitaeka, ao e kawa te tia motikitaeka n anga ngkoe nakon te bureitiman, ao ko kawa ni kakiaki i nanon te karabuuti.

Ruka 13:25

N te tai naba are e tei rake iai teuare ana auti te auti ni kaina te mataroa, ao ane kam na tei i tinaniku ao kam na karebwerebwea te mataroa, ao kam na kangai, “Te Uea, kaukia nako ira!” Ao ngaia e na kaekaingkami ni kangai, “I aki ata reitakiu ma ngkami!”

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

I-Ebeto 3:13

Ma ngaia ae I bubuti b'a a na tai b'ara nanomi n rawaawatau i bukimi, b'a bon i bukini kamoamoaami.

Te Tua-Kaua 4:29

Ane kam na motikia mai nanomi n te tai teuana b'a kam na taromauria te UEA i bukin ami kangaanga. Ao ngkana kam okirikaaki ma n ongotaeka raoi i Rouna, ao E na manga bon riki naba b'a Atuami.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.