Itaia 55:3 - Te B'aib'ara

³ Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Itaia 55:3 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

2.Tamuera 7:29

I butiiko b'a Ko na kakab'aiaia au kariki ma ni kariaia b'a a na riki b'a uea aika a rineaki. Ko a bon tia ni berita iai, ao I kakoaua b'a Ko na bon kakab'aiaa au utu n aki toki.

2.Rongorongo 6:42

Ko na ururinga am tangira ngkoa nakon am toro are Tawita, B'a ko aonga n aki tannako mairouia am uea aika ko rineia.

Taian Areru 119:112

I a tia ni motika nanou b'a N na ongeaba nakon am Tua ni karokoa mateu.

Taian Areru 119:175

Kateimatoa maiu, b'a I aonga ni kamoamoako; Ke a buokai am Taeka n reirei.

Taian Areru 78:1

Au botannaomata, kam na ongora n au taeka n reirei, Ao katanimai taningami nakon te bae N na taekinna.

Taian Areru 89:28

N na aki toki ni kakoro bukin au taeka n akoi nakoina, Ao e na teimatoa au boraraoi ma ngaia n aki toki.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Taeka n Rabakau 4:20

Natiu, kakauongo raoi nakon te b'ai ae I taekinna.

Taeka n Rabakau 7:2

Ongotaeka irou, ao ko na maiu! kariki au taeka n reirei b'a kaanga kaub'aim aika a rangi n kakannato.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

Etekiera 16:60

Ma I ururinga te boraraoi are I karaoia ma ngkoe ngke ko uarereke, ma ngaia ae, N na karaoa te berita nakoim are e na akea tokina.

Etekiera 34:24

E na riki b'a ami tia kairiiri, ao N na riki b'a Atuami. Bon aei au taeka Ngai ae te UEA.

Etekiera 34:25

Bon Au tiibu te botannaomata ae Iteraera, ao I karaoa Au berita ae e matoa b'a a na maeka ma te rau. N na kakionakoia maan aika a aki manana man te rereua ao te buakonikai, b'a aonga n aki maaku Au tiibu.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Nakoaia Ibonga 18:5

Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

Amota 5:4

E taku te UEA nakoia Iteraera, “Nakomai ao kam na maiu.

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 13:16

Ma a kab'aia matami b'a a noraba; ao taningami b'a a ongo!

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Ioane 10:27

A ongo b'anaau au tiibu, ao I kinaia, ao a irirai.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

M'akuri 13:34

Ao aei ana taeka te Atua i bukini manga kamaiuana man te mate, n aki manga okira te mka: N na anganingkami te kab'aia are kab'aian Tawita, ae te kab'aia ae koaua ae itiaki.

I-Rom 10:5

Ao aei are e koreia Mote b'a taekani kaetan aron te aomata n reitaki ma te Atua n iran nanon te Tua: “Te aomata ane karaoi baikai, ao e na maiu.”

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,