Itaia 55:2 - Te B'aib'ara

² E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 55:2 ပူးပေါင်းရင်းမြစ်များ

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 34:11

Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

Taian Areru 36:8

A kang am'arake aika bati aika Ko katauraoi n am auti; Ao Ko kamoiia mani karaangan am Raoiroi.

Taian Areru 63:5

E na rauaki nanou kanga n te am'arake ae kangkang; Ao N na anene ma te kukurei n neboiko.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Taeka n Rabakau 1:33

Ma ngkana kam ongo irou, ao kam na bon mano man taiani kabuanib'ai aika a kakamaaku.”

Taeka n Rabakau 7:23

ao e tiringaki n taian kanoanikatebe. Ti te bo arona ma te mannikiba ae kawaekoaa nakon te kainikab'aru, ma n aki ataia b'a e na kabuanib'ai maiuna iai.

Taeka n Rabakau 8:32

Ongora raoi irou, natiu! Iri nanon au taeka n reirei ao ane kam na kukurei.

Taeka n Rabakau 9:5

Kam bane ni butim'aeaki nakon te kang iriko ma te mooi wain.

Te Minita 6:2

Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Itaia 10:27

Ao ane a na aki manga tautaekana ami botannaomata. A na bane n nakoraoi b'aai nako nakoimi, ao a na bane n tabekaki rake uotami.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 62:9

Ngkai kam bon taiia ami uita ma te kureebe, ao kam na boni kana naba te kariki ma te nano ni kaaitau, ao kam na nima ami wain n au Tembora.”

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 17:24

Kam na tabua te bong ae te Kaitibong! I anga ngkoa te tua aei nako ia ami bakatibu, ma a taningamatoa ao a aki ongotaeka ke a rawa ni kaetaki. Ma ngkana kam ongotaeka,

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 31:14

N na kakab'aiaia Au aomata n te am'arake ae e raka riki nakon are a kainanoia, ao a na kukurei ibonga n anaa kanaia te iriko ni man are a bon taku. Bon aio Au taeka Ngai ae te UEA.

Otea 12:1

E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Ab'akuka 2:13

Botannaomata ake a b'aka iroum, a kabanei aia tai ni m'akuri iroum ao b'aai ni kabane aika a katei, ana bane ni buee n te ai. E na karaoi baikai te UEA ae E m'aaka.

Mataio 15:9

Akea nanon aia taromauri, i bukina b'a a reirei taekan tuua ake a karaoi aomata b'a aongkoa ana tua te Atua!”

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Mareko 7:14

E a manga weteia aomata nako Ina, ao E taku nako ia, “Kam na bane n ongora i Rou, ao kam na ata nanon te b'ai ae N na taekinna.

Ruka 15:23

ao uota mai te kao te teei ae kamarikaaki, ao tiringnga, ao ti na am'arake ni kim'areirei:

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

I-Rom 9:31

ma te botannaomata ae Iteraera, ake a ukoukora te tua are e na kaeta aroia n reitaki ma te Atua, e bon tuai n reke i rouia.

Te Tua-Kaua 11:13

E mwiokoingkami te UEA ae Atuami b'a kam na tangiria ma ni m'akuri i bukina ma nanomi ao tamneimi ni kabane. Ngkana kam ongotaeka nakoina,

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.