Itaia 55:13 - Te B'aib'ara

¹³ Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Itaia 55:13 ပူးပေါင်းရင်းမြစ်များ

Taian Areru 96:12

A na kakatonga aaba aika unikaki, ma b'aai ni kabane ake i nanona! A na takaakaa ni kim'areirei kaai n te buakonikai

Itaia 19:20

Aio are e na kauringiia kaain Aikubita ae e meemena irouia te UEA ae Moan te M'aaka. Ao a na buubutiia buokaia ngkana a reke n te kaangaanga, ao e na kanakoa temanna b'a e na kamaiuia mairouia aia kairiribai.

Itaia 32:13

ao nakon taian auti ake a kakukurei i Ierutarem A na onrake abaia aomata n taian aroka aika a kateketeke.

Itaia 35:1

Ane a na kukurei taian rereua aika a mate n taka; ane a na ngarengare aaba aika akea kain aoia ao a na ure ueeia.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 41:19

N na kaonrakea te rereua n aekaki n aroka nako aika tiira, aketia, ma motere; oriwa ma m'aiango; ao bureen ma teatura.

Itaia 43:21

I karikiia b'a oin au botannaomata, b'a a aonga n neboai.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 60:13

A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Itaia 60:17

N na uoti nakoim te buraonti ma te biti n onea mwiin te kai ma te atiibu; ao n onea mwiin te buraonti ma te biti, N na uota nakoim te koora ma te tirewa. N na rinea te rau ma te motiraoi b'a taan tautaeka ao taan kairiiri.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 63:14

E anga te motirawa Tamneina are e Raoiroi nakoia, kaanga nanai ni kao aika a motirawa ngkana a kairaki nakon te m'arua. E neboaki aran te UEA i bukin karaoan b'aai ni kabane.

Itaia 7:11

“Buubutiai kanikinaean ae e na bon koro bukin au berita. Buubuti b'a N na anganiko te kanikina mai nano n aia aonnaba maate ke i eta n taiani karawa.”

Itaia 7:19

A na tekateka n taabo nako—i nanon taiani m'arua aika a nano ao i marenan taiani b'a, i aon taiani buakoako ao i nanon taian aba n uteute.

Itaia 7:24

Ko na nako ikekei ni kaeman ma te kainikatebe ao te kanoanikatebe, i bukina b'a e na onrake te aba ni kabane n taiani buakoako aika a kateketeke.

Ieremia 13:11

E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

Etekiera 28:24

Ngkana e riki anne, ao ane a na aki manga iowawa kaawa akana i rarikin Iteraera aika a kabuakakaia ao a karikiia b'a a na namakinna b'a kaanga a mena ni katawanangin kaai aika kateketeke ma akanta. Ao a na ataai Iteraera b'a boni Ngai ae te UEA ae te Atua ae I karaoi baikai.

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 15:8

E neboaki Tamau n ami kariki uaa aika bati, ao n rikimi b'a au reirei.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.