Itaia 55:11 - Te B'aib'ara

¹¹ Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

Itaia 55:11 ပူးပေါင်းရင်းမြစ်များ

Itaia 40:8

A mauna nako uee ma uteute, ma a na bon aki konaa ni bitaki b'aai aika e a tia n taekin.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 54:9

I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Ieremia 1:11

Ao te UEA, e kaota nako iu te b'ai teuana n te mii. Ao i mwiina E titirakinai ni kaangai, “Tera ae ko nooria, Ieremia?” Ao I kaeka ni kaangai, “M'aangan te kai ae te amon.”

Ieremia 1:12

Ao e taku te UEA, “E eti anne. I moantaai ni kakoroa nanon au berita.”

Ieremia 1:13

Ao E kaoti b'aai tabeua ao e titirakinai ni kaangai, “Tera ae ko nooria ngkai?” Ao I kaeka, “I noora te b'aata n ran ae e buro i meang, ao e a kaan b'aroira.”

Ieremia 23:20

E na bon aki toki unu, ni karokoa e tia te b'ai ae I a tia ni baaireia b'a N na karaoia. N te bong teuana ane kam na ataa raoi nanon te b'ai ae I nanonna.

Ieremia 25:13

E a tia Au toro are Ieremia n tuangkami te b'ai are N na karaoia nakon B'aburon ao nako ia botannaomata ake tabeua, ao e koroi ni kabane taekaia n te boki. N na karaoi b'aai ni kabane ake I a tia n taekini b'a N na karawaawataingkami iai.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Amota 6:11

A na bane ni maerikiriki auti aika a korakora ma auti naba aika a karako ngkana E kanakoa Ana taeka te UEA.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

1.I-Korinto 1:18

B'a te nanobaba taekan te kaibangaki irouia akana nangi mate, ma boni m'aakan te Atua i roura ngaira aika ti kamaiuaki.

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

Ebera 6:7

B'a e kakab'aiaki iroun te Atua te tano ae a tia n oonga te karau ae b'ab'aka i aona, ae e kariki aroka aika bongana nakoia akana e ribanaaki i bukiia.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Tamuera 3:19

Ngke tabe n rikirake Tamuera, ao E buokaki iroun te UEA ao e karaoi b'aai ni kabane ake e taekin Tamuera.