Itaia 55:1 - Te B'aib'ara

¹ Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Itaia 55:1 ပူးပေါင်းရင်းမြစ်များ

Taian Areru 143:6

I tabeki rake baiu n tataro nakoim; e kai nanou n tangiram, kanga ai aron te tano ae m'auteretere ni kainanoa te ran.

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taeka n Rabakau 8:4

“I weeweteingkami n tatabemaningkami nako!

Taeka n Rabakau 9:1

E a tia te Wanawana ni katea ana auti ae itiai bouana.

Taeka n Rabakau 9:5

Kam bane ni butim'aeaki nakon te kang iriko ma te mooi wain.

Ana Anene Toromon 1:2

Karaua raoi ni kiiti ma ngai! E tamaroa riki am tangira nakon te wain,

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 52:3

E taku te UEA: au Aomata, kam kabooaki nako ngkoa, tiaki i bukin te m'ane, ao ngkai kam na nang kainaomataaki, tiaki naba i bukin te kabooaki.

B'aeb'aeti 5:4

Ti a kabooa nimara te ran; Ti a kabooa te aia i bukin kanaan karara.

Etekiera 47:1

Ao e kairai te mm'aane arei rikaaki nakon te Tembora, ike I noora iai te raanga n ran ae e raanga i aan te kawai n rin. E moana raangana man iteran te Tembora are mai maiaki, ike e raanga mai iai ri rarikin te baonikarea ni waaki nako ni waerake i nanon te katawanang.

Etekiera 47:9

A na m'aiti aekakin maan ma ika, i bukina b'a e na uota te maiu ao te ran ae e raoiroi nakon Taari are Mate.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Mataio 10:8

Kam na kamaiuia akana aoraki; kamaiuia akana a tia ni mate; katoki reberaia akana rebera, ao kanakoia taimonio. I a tia n anganingkami te m'aaka ni karaoi baikai n akea boona mai roumi. Ma ngaia are kam na nako ao karaoi naba baikai nakoia tem'angina n akea boona.

Mataio 13:44

Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.

Mataio 26:29

I tuangngkami b'a N na aki manga moi n te wain aei, ni karokoa te bong arei, are N na nima iai te wain ae boou ma ngkami n uean Tamau.”

Mataio 5:6

A a kab'aia akana b'aruua te raoiroi mani kani mooi iai b'a a na ngae.

M'akuri 8:20

Ma e taku Betero nakoina, “E na mauna ma n akea bonganan am m'ane, ao ai arom naba, ngkai ko taku n am iango b'a e konaaki ni karekeaki ana b'ai n tituaraoi te Atua n te m'ane!

I-Rom 3:24

A bane ni kaetaki aroia n reitaki ma te Atua n ana akoi ae aki kaboaki; ao E karaoa aei iroun Iesu Kristo are kainaomataia:

1.I-Korinto 3:2

I kamoingkami n te miriki, ao I aki anganingkami te am'arake ae matoatoa; b'a kam tuai n tau nako iai, ao kam tuai naba ngkai n tau n anganaki,

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

Ruuta 4:1

Ao e nako Boaati nakon te tabo ni kabowi ni mataroan te kaawa, ao e tekateka iai. Ao e ri rarikina teuare e taekinna ngkoa b'a te kabanea ni kaan ni koraki nakon Erimereka, ao e taku Boaati nakoina, “Raou, nakomai tekateka ikai.” Ma ngaia are, e roko teuarei, ao e tekateka.