Itaia 54:7 - Te B'aib'ara

⁷ I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 54:7 ပူးပေါင်းရင်းမြစ်များ

Taian Areru 106:47

Te UEA ae Atuara, kamaiura, ao kaokira mai buakoia botannaomata, B'a ti aonga n anga ara katituaraoi ma ara nebonebo nakon aram ae tabu.

Taian Areru 107:3

Ake E kaokiia man taabo nako: mai mainiku ao mai maeao, mai meaang ao mai maiaki.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 30:6

I namakina te rau raoi, Ao I kaangai i nanou, Akea ae kona ni konaa aou.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 26:20

Naako rinnako ao kaini taiani mataroa, ngkami aika au aomata. Karabaingkami ikanne n te tai ae e uarereke, ni karokoa te tai are e na toki iai unin te UEA.

Itaia 27:12

E a roko te tai are e na ioioa iai te aba te UEA are i marenan te Karaanga are Iuberetiti ao tian te aba are Aikubita, ao e na ikotiia ana Aomata temanna i mwiin temanna.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:18

Noora rarikim nako! Ko na noori aomata aika a tabe n okira mwengaia. B'a ngkai I bon maiu, Ngai ae te UEA, ao I berita b'a e na rangi n taatangiraki n ai aron te kainrou te aine ae e taabianna ni bai ni katamaroa.”

Itaia 49:21

ao e titiraki Ierutarem ni kaangai, “Bon tinaia ngai? N na kaanga ni bung ngkana I bon teimatoa naba n tangitang i abaia ianena? Antai ae e kaikawaia ataei aikai? ao a roko mai ia?”

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Itaia 60:10

Ierutarem, e na manga karaoaki oom irouia ianena; e na riki aia tautaeka b'a ami toro. I katuaaeko ngkoa n uniu ao ngkai N na nanoangaiko ao N na akoiko.

Itaia 60:4

Kauki matam! Taratara nako! A roko taian aomata. I aoni kawaia natimi m'aane n roko man taabo aika a raroa nako; ao a uotaki natimi aine kaanga ataei aika a uarereke.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 51:5

A bane ni bure aomata ni kabane i Iteraera ma Iuta. Ma I bon tuai ni kiitaniia Ngai ae te UEA ae Moan te m'aaka, te Atua ae e mimitong.

B'aeb'aeti 3:31

E bon akoi te UEA, ao E na bon manga nanoangaira.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

2.Betero 3:8

Ma aei te koaua teuana ae kam na aki m'aninga taekana, ngkami aika kam tangiraki: b'a ti te bo te bong ae ti te bongina ma ririki aika tengaa iroun te Uea, ao ti te bo tengaa te ririki ma te bong ae ti te bongina i rouna naba.