Itaia 54:6 - Te B'aib'ara

⁶ Ti te bo ngkoa ma te buu ae e uarereke, ae e uruaki nanona ae e tang b'a e a tia ni kiitanaki iroun buuna. Ma E taku te UEA ae Atuam, “I a kaokiko ngkai!

Itaia 54:6 ပူးပေါင်းရင်းမြစ်များ

Taeka n Rabakau 5:18

Ko na kukurei ma buum are ko mare ma ngaiia ngke ko rorobuaka.

Te Minita 9:9

E kimototo te maiu aei, ao ko tangira buum, ma ngaia are, kakukureiko ni mena i rarikina. Bon aei te b'ai ae ko kaantaningaaki b'a ko na karaoia, ngkai ko tabe ni korakai n te maiu n te aonnaba aei.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Otea 2:19

N na kariaia b'a ko na riki b'a buu n aki toki, ao tiaki te buu ae e kaboaki N na anganiko te motiki taeka ae riai, te eti, te tangira, te akoi,

Maraki 2:14

E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.