Itaia 54:17 - Te B'aib'ara

¹⁷ A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Itaia 54:17 ပူးပေါင်းရင်းမြစ်များ

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Iobi 42:7

Ao i mwiin banen Ana taetae te Atua nakon Iobi, ao E taku nakon Eribati, “E maraki nanou i roum ma raoraom ake uoman, i bukina b'a kam aki taekina te koaua i buku n aron are e karaoia naba Iobi.

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taian Areru 61:5

Te Atua, Ko a tia n ongo au taeka ake I taku b'a N na kakoro bukiia; Ao Ko a tia n anganai te kab'aia are aia b'ai akana karineko.

Taian Areru 71:16

N na nako ni korakoran te Atua ae te UEA; N na tataekina taekan am M'akuri aika raraoi, aika ti am M'akuri.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Itaia 17:12

Bon naoni marawa aika a karongoaa taiani botannaomata.

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 29:8

Ao a na mate n te baki ao te taka botannaomata aikai aika a buakana te Maunga are Tion. Ane a na miia te am'arake ma te mooi ma a na uti ni kua ma ni baki ao n taka n aron ae a tuai man noonoria.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 41:11

A na bane aika ribaiko ni kam'aitaki mamaaia; ao akana a buakaniko a na mauna nako i nanon te ang.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 50:8

E mena i rarikiu te tia kaawakinai, bon akea ae e konaa n tei ikai ni bukinai n te kaairua teuana.

Itaia 50:9

E na bon buokai te UEA ae te Atua ma ni kakoaua b'a bon tiaki te tia bure ngai. E na ongora te tia bukinai ao e na kunnikaia ae e kanaki n te koa.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 54:15

N na aki manga kanakoa temanna b'a e na buakana am kaawa, ao ko na karikiia b'a am taenikai koraki akana a buakaniko.

Itaia 54:16

Ko na aki m'aninga are I karikiia taani karaobiti ake a karaoi taiani b'ainibuaka i aon taiani kooro aika a kabuebue. I karikiia naba taanga ni buaka ake a urub'ai.

Itaia 58:14

Ao ane kam na karekea raoi iai kakukurein ataakin te UEA. E na tautaekaningkami man te maunga ake taiani kabanea n rietaata ao ni kakab'aiaingkami n aban ami bakatibu are Iakob'a. Ngai te UEA ae I taetae!

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Taniera 3:26

Ao e m'ananga Nebukaneta nako rarikin te ai ao e takaarua ni kaangai, “Tiateraka, Metiaka ao Abeteneko aika Ana toro te Atua ae moan te m'aaka! Otinako.” Ao a otinako naba n te tai arei.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

Iotua 24:10

Ma I aki kariaia b'a e na karaoa anne B'araam ngaia are e a manga kakab'aiaingkami ao kam riki ni kamaiuaki iai mai roun B'araka.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

Te Kaotioti 12:10

Ao I ongo te b'anaa ae korakora i karawa, b'a e kaangai, “E a roko ngkai ana kamaiu Atuara, ma m'aakana ma ueana, ma m'aakan ana Kristo: b'a e a tia n teweaki nako te tia bukiniia tarira, ni kabuakakaia i matan Atuara ni ngaina ao ni bong.

1.Tamuera 23:17

ao e taku nakoina, “Ko na aki maaku. E na bon aki konaa n tiringko tamau are Tauro. E a ataia raoi b'a boni ngkoe ae ko na riki b'a uean Iteraera ao Ngai N na riki b'a am kauoman.”