Itaia 54:16 - Te B'aib'ara

¹⁶ Ko na aki m'aninga are I karikiia taani karaobiti ake a karaoi taiani b'ainibuaka i aon taiani kooro aika a kabuebue. I karikiia naba taanga ni buaka ake a urub'ai.

Itaia 54:16 ပူးပေါင်းရင်းမြစ်များ

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 10:15

Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 46:11

ao I karokoa temanna man te aba ae e raroa nako b'a e na karaoa te b'ai ae I tangiria. E buaka mai mainiku, kaanga te aoki ae e kiba rikaaki. Ao ngkai N na kakoroa bukin au berita ma ni karaoa te b'ai are I a tia ni iangoia.

Itaia 54:15

N na aki manga kanakoa temanna b'a e na buakana am kaawa, ao ko na karikiia b'a am taenikai koraki akana a buakaniko.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Tekaria 1:20

Ao i mwiina, e manga kaota nako iu aman taan karaobiti te UEA, ao I titiraki ni kaangai, “Tera ae a nang karaoia?”

Tekaria 2:1

Ao n te tai aei I noora temanna ae e tautaua te koranikaeti,

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

1.Tamuera 13:19

Ao kaain Biritia a rawa n reireiniia Iteraera aron karaoan te biti ao a taku, “Ngkana ti kariaia b'a a na reireiaki, ao ane a na rabakau ni karaoa te kabaang ma te kainiwai Iteraera aika bon te akea bonganaia aikai.”