Itaia 54:14 - Te B'aib'ara

¹⁴ Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

Itaia 54:14 ပူးပေါင်းရင်းမြစ်များ

Taeka n Rabakau 3:24

ko na motirawa ma te aki raraoma ao ko na matu raoi.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 1:27

Ierutarem, ko na kamaiuaki ni kaotan te eti; A na maiu aomatan Tion aika a okirai ni karaoa ae e raoiroi.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 16:4

Kariaia b'a a na maeka ara aomata n abam i bukin karekean mwengaraoia.” Moaaba, e na mauna nako am kairiribai ae e rangi n tiritiri; a na aki manga buakaningkami mani urui abami.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 33:18

Ao i mwiina, kam na titirakiningkami ni kaangai, “A na roko mai ia taiani mataniwi aika a imanonoira b'a ti na anga te taekiti aika a buubura?”

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:20

E na riki kaanga taai ake ngkoa. Ane a na taromauriai ami botannaomata, ao N na katuuaia ni kabane akana a kabuakakaingkami.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Tekaria 9:8

E taku te UEA, “N na aki mamatu ni kakaawakina au Tembora mairouia aika a na roko ni buakanna. I ataa te b'ai ae e riki, ao bon akea temanna ae e na manga karaoa riki ae e buakaka nakoia Au aomata.”

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.