Itaia 54:13 - Te B'aib'ara

¹³ N na reireiniia natimi ao N na karaoia b'a a na teetekeraoi.

Itaia 54:13 ပူးပေါင်းရင်းမြစ်များ

Taian Areru 119:165

A rau aroia akana tangira am Tua, ao akea te kaangaanga ae a na b'akaraki iai.

Taian Areru 119:33

Te UEA, reireiai nanon am Tua, ao N na iri nanoia n taai nako.

Taian Areru 147:14

E kawakin tiam b'a a na aki anaaki, ao E kanuaiko n te am'arake ae moan te raoiroi.

Taian Areru 71:17

Te Atua, Ko reireiai ma ngke te teei ngai; Ao I teimatoa ni kakarakin taekan am M'akuri aika Kamimii ni karokoa ngkai.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 28:9

Ti te bo ngkami aika taani kairiiri aika kam manging ma ataei aika a uarereke! Kam na kangaa n ataa ana rongorongo te UEA ke n reireiia aomata Ana rongorongo?

Itaia 29:24

Ane a na ataia aomata ni kabane akana a mangaongao aia iango, ao ane a na ongotaeka n Au reirei akana a tia ni ngurengure.”

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Itaia 54:12

A na karaoaki am nono n taian ruube, ao mataroan am kaawa n taian b'ainikatamaaroa ao oon te kaawa n atiibu aika a tamaroa.

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Etekiera 34:25

Bon Au tiibu te botannaomata ae Iteraera, ao I karaoa Au berita ae e matoa b'a a na maeka ma te rau. N na kakionakoia maan aika a aki manana man te rereua ao te buakonikai, b'a aonga n aki maaku Au tiibu.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Otea 2:18

N na kariaia b'a ko na maeka ma te rau-ko na aki manga buakanaki irouia maan aika a aki manana ao mannikiba ke ana b'ai ni kamaamate man te buaka.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Ruka 24:45

Ao E buoki aia iango b'a a aonga n ata nanon are koreaki n te B'aib'ara;

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ioane 6:45

E koreaki irouia burabeti ae kaangai, ‘A na bane aomata nako n reireiaki iroun te Atua. E riki b'a au reirei te aomata ane ongo ma n reirei iroun te Tama.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 4:21

Kam a bon tia n ongo taekana; ao ngkai kam reitaki ma Ngaia, ao kam a reireiaki te koaua are iroun Iesu.

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.

1.I-Tetaronike 4:9

Akea kainanoan te koroboki nako imi i bukin aromi n tangiriia raomi ni Kristian: b'a kam a bon tia n reireiaki iroun te Atua b'a kam na i tangitangiri;

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Ebera 8:11

Ao a na aki manga i reirei: akea temanna ae na reireia kaain ana kawa, ke e na reireia tarina, ni kangai, ‘Kam na ata te Uea.’ B'a ane a na bane n ataai akana moa ni mangori ma akana moa ni kakannato.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.