Itaia 54:10 - Te B'aib'ara

¹⁰ A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 54:10 ပူးပေါင်းရင်းမြစ်များ

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 46:2

Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

Taian Areru 46:3

E ngae ngkana e roko korakorani buakani marawa ae e ingiing iai mataniwin te aba.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 49:15

E taku te UEA, “E a tia ni m'aninga taekan natina te tina are e nanoanga natina ni mammana? E konaa n aki tangira te ataei ae e bon nako man oin rab'atana? Ngkana e konaa ni m'aninga te tina, ma Ngai N na bon aki m'aninga taekam.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 31:36

N na aki konaa ni m'aninga n anga taian tua aikai, ao N na bon aki manga oki n totokoa rikiraken a na botannaomata Iteraera. Bon aei Au taeka Ngai ae te UEA.

Ieremia 33:20

I a tia Ngai ae te UEA ni karaoa Au boraraoi ma te ngaina ao te bong, b'a a aonga n rooroko raoi n te tai ae e riai. Kam aki konaa n urua te boraraoi ae I a tia ni karaoia ma ngkami,

Etekiera 16:42

Ao i mwiin anne, e na toki uniu, ao e na rau nanou. N nang aki manga oki n unun ke ni kokoo.

Etekiera 34:25

Bon Au tiibu te botannaomata ae Iteraera, ao I karaoa Au berita ae e matoa b'a a na maeka ma te rau. N na kakionakoia maan aika a aki manana man te rereua ao te buakonikai, b'a aonga n aki maaku Au tiibu.

Maraki 2:5

N na kakab'aia n te maiu ae kororaoi, n aron are I a tia ni berita iai, ao ngaia e na kaawakina tib'angana n te boraraoi are e na neboai ma ni karinea arau.

Warekaia Iteraera 25:12

Ma ngaia are, I a kab'arai aia bure n onea mwiin are N na bon katuaaia.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 24:35

A na mauna karawa ma aonnaba, ma a na aki kona ni mauna au taeka.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Ebera 12:27

Ao te taeka ae kangai, Ti teuana riki, e kaota kamaunaani baike a kam'aeieiaki b'a kanga baika karaoaki, b'a a aonga n teimatoa n tiku baike a aki konaki ni kam'aeieiaki.

Te Kaotioti 6:14

E mauna nako karawa n ai aron te niira ni boki ngkana e niniraki; ao a bane ni kam'aeaki nako maunga ma abam'akoro mani neia.