Itaia 53:3 - Te B'aib'ara

³ E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Itaia 53:3 ပူးပေါင်းရင်းမြစ်များ

Taian Areru 69:29

I maraki ao I rawaawata; Te Atua, tabekai rake ao kamaiuai!

Taian Areru 88:4

Ti te bo ngai ma aomata nako aika a kaani mate; Ai akea korakorau.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 52:14

A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 53:4

E rawaawata ao e ri nanon te maraki ae e korakora i bukira, ma boon te rawaawata bon te katuuaeaki mai roun te Atua.

Mika 5:1

Bootia am taanga ni buaka ngkoe ae Ierutarem, b'a ko a katobibiaki irouia am kairiribai. A tia ni buakana Iteraera, ao a orea taban te Tia Tautaeka n te kai.

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mareko 10:33

E taku, “Noria, ae ti a toua kawaira nako Ierutarem; ao ane E nang kam'aneaki Natin te Aomata nako nanoni baiia ibonga ake mataniwi ma taani koroboki, ao ane a na anga Ngaia nakoia aomata aika tiaki I-Iutaia,

Mareko 10:34

ake a na kaenaena, ao a na bawareia, ao a na kataerea, ao a na kamatea; ma i mwin tenibong ao E na manga uti.”

Mareko 14:34

Ao E taku nako ia, “E taonaki maiu n te rawawata ae moan te bati, n te aro ae kaanga N nangi mate iai; kam na tiku ikai, ao kamarurungngkami n tantani.”

Mareko 15:19

A orea atuna n te kai, ao a bawareia, ao a katorobubua i aoni waeia b'a aongkoa a karinea.

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ruka 8:53

Ao a ngare ni kakanikoa Iesu, b'a a ataia ae e mate.

Ruka 9:22

Ao E a manga taku riki Iesu nako ia, “E riai Natin te Aomata b'a E na karawawataaki ao b'a E na ribaaki irouia unimm'aane, ao irouia ibonga ake a kakannato, ma taani koroboki, ao b'a E na kamateaki, ao E na manga uti n te katenibong.”

Ioane 11:35

A wawa nako ranni matan Iesu.

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.