Itaia 53:2 - Te B'aib'ara

² Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 53:2 ပူးပေါင်းရင်းမြစ်များ

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 52:14

A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Tekaria 6:12

Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

Mareko 6:3

Tiaki te kabenta Teuaei, are Natin Nei Maria, ao are tarin Iakobo, ma Iote, ma Iuta, ma Timon? Ao tiaki a mena m'anena i roura ikai?” Ao a kaoti mataia n ribaia.

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 2:7

E bungiia ana moa n nati te mm'aane ao e niria n te kunnikai ae te ninira, ao e kawenea ni nneni kanaia maan n am'arake b'a akea aia ruu n te auti n iruwa.

Ruka 9:58

E taku Iesu nako ina, “Iai neia ni maeka kameanti, ao ngaoia manin aan-nang, ma akea nen Natin te aomata ae E na kawenea iai atuna.”

Ioane 18:40

A tatakarua ngkanne nakoina ni kaangai, “Tiaki Teuaei, ma B'arab'a.” B'arab'a bon te tia kam'arua.

Ioane 19:5

Ma ngaia are, E oti nako Iesu ma ana bau are kateketeke i aon atuna, ao E kunnikaia n te kunnikai are ura-roo. Ao e taku Birato nakoia, “Noria, ao aio Teuaei!”

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

1.Betero 2:14

ke nakoia akana iai nakoaia ni kairiri n te tautaeka, aika a kanakoaki iroun te king b'a a na kareke kaiia akana kakaraoa ae buakaka, ao a na kamoamoaia akana karaoa ae e raoiroi.