Itaia 53:11 - Te B'aib'ara

¹¹ Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 53:11 ပူးပေါင်းရင်းမြစ်များ

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Itaia 49:3

E taku te UEA nako iu, Iteraera, bon au tia m'akuri ngkoe; N na bon rangi ni karineaki i bukim.”

Itaia 52:13

E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Itaia 53:8

E motikaki taekana nakon te mate n te moti ae e aki eti. Antai ae e konaa ni iangoa te b'ai are e nang riki nakoina? E anaaki maiuna i bukin b'aai aika a bure aika a tia ni karaoaki irouia au aomata

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ioane 12:24

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

I-Rom 4:24

ma i bukira naba. E na atongaki nako ira ngaira aika ti onimakina Teuare kamaiua Iesu mai buakoia maate,

I-Rom 5:9

Ma ngaia aei, ngkai a a tia ni kaetaki arora n reitaki ma te Atua ni mateni Kristo, ao ti na kamaiuaki i rouna man te reke ni kai ae na roko.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

2.Ioane 1:1

Mairoun te unimm'aane nakon te aine ae karineaki ae rineaki ma natina akana I tangiriia ni koaua; ma tiaki ti ngaia, b'a a tangiraki naba irouia ni kabaneia ake a ata te koaua;

2.Ioane 1:3

E na mena i roura te akoi, ma te nanoanga, ma te raoi, mairoun te Atua ae te Tama ao mairoun Iesu Kristo are Natin te Tama; a na mena baikai i roura ngaira aika ti ata te koaua aika ti i tangitangiri.