Itaia 53:10 - Te B'aib'ara

¹⁰ E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 53:10 ပူးပေါင်းရင်းမြစ်များ

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 22:30

Ane a na toro i rouna rooro aika na roko; Ane a tataekina te UEA aomata nakon te roro ae nangi roko.

Taian Areru 22:31

Ane a na tuangaki aomata akana tuai bungiaki taekan ana kamaiu te UEA, “B'a E a tia ni karaoia.”

Taian Areru 69:26

A b'ainikiriniia te koraki ake Ko a tia ni karawawataia; A tataekin kainanoia te koraki ake Ko a tia ni kamarakiia.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:7

E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Taian Areru 89:36

E na aki toki n uea kaain ana utu Ao e na teimatoa ueana n ai aron otan taai i matau.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Warekaia Iteraera 7:15

ma temanna te kao te teei, temanna te tiibu te teei, temanna te tiibu te teei ae te mm'aane ae teuana ana ririki, b'a te karea ni kabuokaki,

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 12:24

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

Ioane 13:32

Ao ngkana a na nora i rouna aroni mimitongin te Atua, ao te Atua ngkanne E na manga kaota nakoia aron Natin te Aomata ni kamimitongaki i rouna, ao ane E na karaoia ngkai naba.

I-Rom 6:9

ngkai ti ata Kristo b'a E aki manga mate ngkae E a tia ni manga uti mai buakoia maate-e aki manga m'aaka te mate i aona.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

I-Rom 8:8

ao a aki kona ni kakukureia te Atua akana maiu n aron nanon te rab'ata.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Ebeto 1:5

E a kaman tia ni baireia, n ai aroni kukurein nanona, b'a ti na natinaki i rouna iroun Iesu Kristo.

I-Ebeto 1:9

ao E a tia ni kaota nako ira nanona ae raba, n ai aron nanona are E tangiria, are E a kamani baireia i nanona;

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

2.I-Tetaronike 1:11

Anne bukin ae ti aki toki iai n tataro i bukimi, b'a E na karaoingkami Atuara b'a kam na tau nakon te maiu are E a tia ni weteingkami nako iai b'a kam na b'ainna; ao E na kabongana m'aakana ni kakororaoa nanomi n tangira te raoiroi, ma ni katiai baika kam karaoi i bukin ami onimaki;

Ebera 2:13

Ao E kangai naba: “N na onimakinna.” Ao E a manga kangai naba, “Noria, Ngai ma ataei aika E anganai te Atua.”

Ebera 7:27

E aki riai i Rouna, n ai aroia ibonga ake a kakannato, b'a E na anga karea n te bong ae koraki, n anga moa i bukin oin ana bure, ao rimwi i bukin aia bure aomata: b'a ti teuana karaoan aei i Rouna, ngke E anga Ngaia b'a te karea.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.