Itaia 52:9 - Te B'aib'ara

⁹ Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 52:9 ပူးပေါင်းရင်းမြစ်များ

Taian Areru 102:22

Ngkana a bootaki aomata aika bati man aaba aika kakaokoro n taromauria te UEA.

Taian Areru 98:4

Aomata ni kabane i aonnaba, kam na anene ni kakatonga nakon te UEA; Kam na neboia n ami anene ma b'anaami ni kim'areirei!

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 14:7

A bane ni wene n rau te aonnaba ni kabane; a karaoa aia baka ni kukurei aomatana ma taian anene ni kukurei.

Itaia 40:1

E a tia ni kaangai te Atua: “Kaungai nanoia au aomata! Anganiia te rau.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Itaia 61:4

Ao i mwiina, ti na karaoi kaawa aika a buubura ake a tia ni uruaki i nanon rooro aika a bati.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

I-Karatia 4:27

B'a e koreaki ae kaangai: “Ko na kukurei ngkoe ae ko kanoabo ae ko tuai ni bung; Ko na takarua ni kim'areirei ngkoe ae ko tuai n ariri; B'a a bati riki natin te aine ae tiku n ti ngaia nakoni m'aitiia natin neiere iai buna.”