Itaia 52:7 - Te B'aib'ara

⁷ Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Itaia 52:7 ပူးပေါင်းရင်းမြစ်များ

Taian Areru 59:13

Ko na kamateia n unim, n akea ae na tiku ni maiu; Ao ane a na ataia aomata nako b'a E tautaeka te Atua, i aoia Iteraera ao ana tautaeka e raababa nako nakon ni kabutaa aonnaba.

Taian Areru 68:11

E kanakoa ana taeka te Uea, ao a bati aine ake a kabutaa nako te taeka anne:

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taian Areru 98:2

E katanoata taekan ana tokanikai te UEA; E kaota m'akana b'a e na ataaki irouia botannaomata nako.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Ana Anene Toromon 2:8

I ongo b'anaan te aomata ae I tangiria, ngke e tabe n eweewe i aoni maunga ma tabuki

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 41:27

Boni Ngai ae e moan tuangiia Iteraera ni kaangai, “Nooria, e a koro bukina!” Bon te moan Ngai ni katanoataa te rongorongo ae e raoiroi aei nakon Tion.

Itaia 42:11

Tuangiia baronga akana n te rereua ao aomata akana i aon taiani maunga b'a a na bootaki ni kukurei ao n anene.

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Naum 2:1

E a roko buakanakim Ninewe! E a roko te m'aaka are e a uruko ni kamaerikirikiko. Katauraoi nakon totokoaia ami kairiribai! Tararua te kawai! Tauraoi nakon te buaka!

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mareko 13:10

Ma i m'ain rokon te toki, ao e riai b'a e na tataekinaki te euangkerio nakoia botannaomata ni kabaneia.

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ruka 2:10

Ao e taku te anera nako ia, “Tai maaku; b'a noria, iai irou te rongorongo ae raoiroi are e na karika te kim'areirei irouia aomata ni kabaneia;

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

I-Ebeto 6:15

ao kauniwaeningkami n te tauraoi n taekina euangkerion te raoi.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.