Itaia 52:14 - Te B'aib'ara

¹⁴ A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

Itaia 52:14 ပူးပေါင်းရင်းမြစ်များ

Taian Areru 22:15

E bane korakorau kanga ai aron aontano ae m'auteretere; ao e nimta ngangarakeu neweu, Ao ko kaweneai n te ruanimate.

Taian Areru 22:17

A bane n tangaina riu A tarataraai taan ribaai ma te mata ni mimi.

Taian Areru 71:7

E a riki maiu b'a te banna ni katoto nakoia aomata aika bati, i bukina b'a Ko a tia n riki b'a te tia kamanoai Ngkoe ae matoatoa.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 27:14

Ma akea ana kaeka ae E anga naba teutana; ma ngaia are e rangi ni mimi i Rouna Birato.

Mataio 7:28

Ngke E a tia n atong taeka aikai Iesu, ao a mimii aomata n arona n reirei.

Mareko 10:26

A rangi ni mimi n aei ana reirei, ao a i titiraki i rouia ni kangai, “Antai ngkanne ae na kona ni kamaiuaki?”

Mareko 10:32

E tabe ngkai n nakonako Iesu ma ana reirei i aon te kawai nako Ierutarem. E ri moaia ana reirei ake a taonaki n te mimi; ao a maaku aomata ake a iririia. E a manga karaoa naba are E a tia ni karaoia: b'a E kaokoroia ana reirei ake tengauni ma uoman ao E taekin nako ia taekani b'aai ake a nangi riki nako Ina.

Mareko 5:42

N te tai naba arei, ao e tei rake te teeinaine ao e nakonako; b'a ai tebwi ma uoua ana ririki ni maiu. Ngke e riki aei, ao a bane naba ni mimi.

Mareko 6:51

E toka i rarikiia n te booti, ao e b'aka te ang. A rangi ni mimi ana reirei,

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”

Ruka 2:47

E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ruka 22:64

A kabaei naba matana n rabuni, ao a titirakinna, ni kangai, “Kaotia; antai ae oreiko?”

Ruka 4:36

A bane ni mimi aomata ao a i taetae i rouia ni kangai, “Te aeka n taeka tera te baei? B'a n ana konaa ao ni m'aakana, ao E tuangiia anti aika kam'araa b'a a na oti nako, ao a ongo i Rouna.!”

Ruka 5:26

A bane ni mimi aomata, ao a kamoamoa te Atua ma nanoia aika on n te maaku. A taku, “Ti a nori baika kamimii n te bong aei.”