Itaia 52:12 - Te B'aib'ara

¹² Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

Itaia 52:12 ပူးပေါင်းရင်းမြစ်များ

1.Rongorongo 14:15

Kam na tataninga ikekei ni karokoa kam ongo tangin taberan taian aroka aika kaanga tangin m'anangaia taanga ni buaka. Nanon te tang anne b'a I a tia n rimoami ni buakaniia ana taanga ni buaka Biritia. Ao kam a riai ni kawaekoaingkami ni buaka”

Te Otinako 12:11

Kam na kanna ni kawikoaingkami, b'a kam na katauraoingkami nakon te m'ananga ni karin kunnikaimi, ami kauniwae ao okomi i nanon baimi. Bon aei te Toa are te Riao i bukin karineau Ngai ae te UEA.

Te Otinako 12:33

Ao kaain Aikubita a ienikuriia aomata b'a a na kawaekoaia ni kiitana te aba; ao a taku, “Ti na bane ni mate ngkana kam aki nako.”

Te Otinako 12:39

Ao a kam'aa te kariki ae e aki karikaki man te buraawa are e a tia ni kabooboaki are a uotia mai Aikubita, i bukina ngke a kataweaki ni kanakoaki n aki reke aia tai ni katauraoi kanaia ke ni katauraoi aia buraawa are e a tia ni kabooaki ae e aki itiinaki.

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Itaia 26:7

Ara UEA ko aki toki ni kakaraoa ae e eti ao ko kabooraoa te kawai i bukiia aika a ongotaeka iroum.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 45:2

Ngkana I kairiko, N na kabooraoi taian maunga ao a urui taiani mataroa aika biiti ke mataroan te kaawa aika taiani buraonti.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 49:11

N na kaboraoi taiani maunga ao ni karaoi taiani kawai;

Itaia 51:14

A bane n tang ma te maraki aomata ao a na waekoa ni kainaomataaki; a na kamaiuaki man m'aakan te mate ao a na aki manga baki.

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 58:8

Ao ane e na ootanako iai am taura kaanga ootan taai n te kaarangaina, ao ane ko na waekoa ni kamaiuaki. E na kaawakiniko am raoiroi ngkana ko waaki, ao e na kaawakiniko mimitongin te UEA mai bukim.

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Warekaia Iteraera 10:25

Ao te baronga are Taan ma baronga ake a katei auti n rianna i rarikiia, boni ngaiia ake a na kamanoia Iteraera man buakanakiia i rouia aia kairiribai mai buki, ma ngaia are, a na m'aati n te kabanea, ao uotaia aia buraeki. Te tia kairiri n te baronga are Taan bon Aietera are natin Ammitiatai te mm'aane,

Te Tua-Kaua 16:3

Kam na kang taian iriko ni kabane akana taiani karea i bukin te Riao n te tairiki naba anne. Ma kam na aki kamanena te kariki ae karikaki n tain te am'arake n te Riao. Kam na kamanena te aekaki ni kariki are mmani are kam kanna naba ngke tooro ngkoa ngkami aika kam karawawataaki i Aikubita, ao ngke kam nang kiitana Aikubita n te tai ae waekoa. E na riki te kariki ae mmani aei b'a kauringakimi n taai nako te bong are kam kiitana iai Aikubita. Kam na aki karaoa te kariki ae itinaki i nanon itiua te bong, i nanon bongin te Toa are te Riao, Kam na aki karaoa te kariki ae itinaki. E nanonaki raoi iai b'a a na bon akea te iti i aon Iteraera ni kabutaa.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Iotua 4:11

Ao ngke a bane raoi ni iteran te karaanga are teuana, ao a manga m'ananga ibonga ake a uota te Ati ni Berita n rimoaia aomata.

Iotua 6:9

Ao i mwiia ibonga ake taan uouota te Atiniberita bon taian tautia ake taan kaawakina te Atiniberita mai bukin te rain.

Tani Motiki-taeka 4:14

Ao e takaarua Tebora ni kaangai, “B'araka, e a bo tain buakanakin Titera b'a E na buokiko te UEA ni kataenikaia n te bong aei.” Ao ni koauana raoi, “E a tia te UEA n ri moami ni buaka i bukimi.” Ao e kairiia ana taanga ni buaka B'araka ake 10,000 rikaaki man te Maunga are Tabora.