Itaia 52:10 - Te B'aib'ara

¹⁰ E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 52:10 ပူးပေါင်းရင်းမြစ်များ

Iobi 40:9

E boraoi korakoram ma Ngai? Ko kona ni karebwea b'anaam n ai aron rebwen te baa, kaanga b'anaau?

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 67:2

B'a a aonga botannaomata nako n ataa kamaiuan te aba iroum.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 33:13

A bane n noori b'aai ni kabane aika ko karaoi aomata aika a kaan ma aika a raroa. Noora m'aakau ae e korakora!”

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 53:1

Iai ae e a tia ni kakoauaira ke n noora korakoran m'aakan te UEA ni m'akuri?

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Itaia 63:5

Bon akea ae e mena ikekei ni buokai ke ni boutokaai, e tokanikai n te buaka anganibaiu ae e korakora man uniu.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Ruka 2:30

B'a a tia matau n nora am kamaiu nako ia aomata,

Ruka 3:6

Ao ane a na bane aomata n nora ana kamaiu te Atua!’ ”

M'akuri 13:47

B'a boni ngaia are ti tuangaki iai iroun te UEA, ni kaangai, “I kateiko b'a te oota Ngkoe nakoia aomata aika aki onimakina te Atua, ao te kawai ni kamaiu nakoia aomata nako i aonnaba.”

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”