Itaia 51:9 - Te B'aib'ara

⁹ Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 51:9 ပူးပေါင်းရင်းမြစ်များ

Iobi 26:12

E kataenikaia taari ni korakorana, ao E tiringa Raaba ni wanawanana.

Iobi 9:13

E teimatoa unin te Atua, ao E kamanatuaia Ana kairiribai ake a buoka Raaba, are manin taari ae kakamaaku, are e aki toki ni kakaitaraa te Atua.

Taian Areru 21:13

Te UEA, Ko na neboaki i bukini korakoram! Ti na anene ni kamoamoa m'aakam.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 44:23

Te UEA, Ko na uti! E aera ngkai Ko matu? Tei rake! Tai ribaira n aki toki!

Taian Areru 44:24

E aera ngkai Ko karabako mai roura? Tai m'aninga taekan rawawatara ma ara kaangaanga!

Taian Areru 59:4

Ke te b'ai ae I bure iai b'a e buakaka, te UEA, ao ni kabaikoaia nakon aia tabo.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 77:5

I iangoi boong ake a b'aka nako, Ao I uring ririki ake ngkoa.

Taian Areru 78:65

Ao E uti te Uea n ai aron temanna ae uti ni matu; Ai aron te aomata ae aintoa ae aki rau arona ngkana e manging.

Taian Areru 87:4

“N na karina aran Aikubita ma B'aburon ngkana I korei ni karinani araia botannaomata aika ongeaba nako iu; N na warekia kaain Biritia ma Tuuro ma Tiobia i buakoia kaain Ierutarem.

Taian Areru 89:10

Ko kamanatua Raaba ao e tiringnga; Ko katae aia kai am Kairiribai ni korakorani m'aakam.

Taian Areru 89:11

Am B'ai karawa ma aon te aba; Ko karaoa aonnaba ma b'aai ni kabane ake iai.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Itaia 27:1

Ao n te bong arei, ao Rib'aietan, ane e na nim'atoaua ma ni birinako manin taari ae e kakamaaku, ma e na tiringnga te UEA n te kabaang ae e kakamaaku, ae e kakang.

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 53:1

Iai ae e a tia ni kakoauaira ke n noora korakoran m'aakan te UEA ni m'akuri?

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Mika 7:15

Karaoi kakai nakoira te UEA, n ai aron are Ko kakaraoi ni boong ake Ko kaotinakoira iai mai Aikubita.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Tekaria 10:11

A na ri nanon marawan taiani kangaanga Au aomata, ma N na katoki korakoran taian nao ma ni kam'autakatakaa m'akoron te Naire are e rangi n nano. E na kab'akaaki kakatongan Aturia are e rangi ni korakora, ao e na mauna nako korakoran Aikubita.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Ioane 12:38

b'a e na kakoroaki bukin ana taeka Itaia are te burabeti are kaangai: “Te Uea, antai ae kakoaua ara rongorongo? Ao antai ae kaotaki m'aakan te Atua nakoina?”

M'akuri 7:7

Ao E taku te Atua, “N na karekea kain te botannaomata are a toro i rouia; ao i mwina, a na oti nako n taromauriai n te tabo aei.”

Te Kaotioti 11:17

ao a kaangai, “Ti katituaraoiko te Uea ae te Atua ae Moan te M'aka, ae iai ngkai, ao iai naba ngkoa, ao ti kaitauko. b'a Ko a tia ni kabongana m'aakam ae korakora, ao Ko uea!

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Tani Motiki-taeka 6:13

Ao e taku Kiteon, “Ngkana e koaua ane ko taku, ao e aera ngkai a riki taiani kaangaanga aikai? Ti a tia n ongo rongorongon taiani kakai aika E karaoi, ao kamaiuaia ara bakatibu mai Aikubita. A riki aron aikai n taai ake ngkoa. Ao ngkai, E a tia ni manga kiitaniira te UEA ni kawariia kaain Miiria.”