Itaia 51:5 - Te B'aib'ara

⁵ A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 51:5 ပူးပေါင်းရင်းမြစ်များ

Taian Areru 110:6

E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

Taian Areru 67:4

A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 24:15

Ai ngaia are, a na riai n neboa te UEA, ae Atuan Iteraera aomata ni kabane ake i mainiku ao aomata ake i aon taian abam'akoro.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 60:9

A tataningaai Ngai ae te UEA ami aomata n abam'akoro aika a raroa nako. A kaira te kawai kaibuke ni m'am'ananga i bukin kaokaia nakon aia auti ma aia tirewa ao aia koora. Boni Ngai ae te UEA ae I karaoa aei i bukin karineaia ami aomata, b'a aonga ni karineai.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Itaia 63:5

Bon akea ae e mena ikekei ni buokai ke ni boutokaai, e tokanikai n te buaka anganibaiu ae e korakora man uniu.

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 3:2

ao e taku, “Rairi nanomi, b'a e a kan roko Uean te Atua!”

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Te Tua-Kaua 30:14

Bon tiaki ngaia anne, b'a a mena tuua aikai i rarikira, ao kam bon ataia naba i nanomi. Te b'ai ae kam na ti karaoia bon te ongotaeka nako iai.

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.