Itaia 51:3 - Te B'aib'ara

³ E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 51:3 ပူးပေါင်းရင်းမြစ်များ

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Taian Areru 85:8

N na ongora nakon te bae E taekinna te UEA; E atonga ae na reke te raoi nakoira, ngaira aika ana botannaomata aika ti kakaonimaki nakoina, ao ti na bon aki oki nakon arora n nanobaba.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:19

E a maenikun ngkai Ierutarem! Bon akea te b'ai teuana ae e tiku n te kaawa. Ma e na manga moan karaoaki ao e na manga waekoa n onrake n te aomata; ao a na kairiribai aika a iowawaa a na bane n nako n taabo aika a raroa.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 65:18

Kukurei ao kim'areirei n aki toki ni baika I karaoi. N na kaona Ierutarem ae boou n te kim'areirei, ao a na kukurei kaaina.

Ieremia 31:25

A na manga reke maiuia ma korakoraia koraki akana a kua ma ni kainano,

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Etekiera 36:11

A na bungiaki naati, ao a na bungi natiia naba maan. Ko na aki manga kiitanaki n arom ngkai, ma ko na onrake irouia aomata ao e na karaoaki ae e raoiroi nakoim nakon ake mai m'aaina. Ao ane ko na ataia iai b'a bon te UEA Ngai.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Ioera 2:3

A na katobibiaki n taian ai aika a ura: ao akea temanna ae e na biri nako. Ti te bo te aba ma Eten i m'aain kataenikaiana; ao ngkai ti te rereua n tiku.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;