Itaia 51:20 - Te B'aib'ara

²⁰ E a un te UEA ae Atuam, ao a na wene n aki konab'ai natim ni koonan kawain nuukan te kaawa ni kabane, kaanga te ria ae m'ane n te karaun.

Itaia 51:20 ပူးပေါင်းရင်းမြစ်များ

Itaia 29:9

Kam na tiaoki ao kam na ntongitong, ngkami aika burabeti! Ao e na aki oota raoi ami taratara. Kam na koro ni manging mani bebebebe, ma tiaki mwiin te wain.

Itaia 40:30

A na boni kua roronrikirake, a na tatatata ao a na b'aka.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 51:21

Ko a reke n te kanganga ao ko a manging, ma tiaki man mwiin te wain. Ma ngaia are, kakauongo raoi

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Ieremia 14:16

Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

B'aeb'aeti 4:2

A riki b'a kaanga boora aika atiibu, m'anen Tion aika rorobuaka n ataei, ake kaanga aron tamaroan koora ngkoa nakoira.

B'aeb'aeti 5:13

A kairoroaki ara rorobuaka n ataei b'a ana karabinoi atiibu n i uita n ai aroia tooro; a bebebebe rorobuaka n ataei i aan rawawatan uotaia.

Etekiera 12:13

E na taakina te karaun te UEA ni kam'anea ngke e tabe ni kiitana Ierutarem. Ao i mwiina, e na uotaki nako te kaawa are e buubura are B'aburon, ma e na aki manga oki n noora te tabo arei, e ngae ngke e na boni mate ikekei.

Etekiera 17:20

N na taakina te karaun ni kam'anea. Ao i mwiina, N na uaakinna nako B'aburon ma n nooria raoi b'a e bon katuaaeaki i bukin ana aki kakaonimaki nako iu.

Etekiera 39:19

I tangiriia mannikiba nako ma maan aika kawakawa nako b'a a na am'arake ni karokoa a ngae ke ni mooi ni karokoa a koro.

Te Tua-Kaua 28:20

E na kamangaongaoingkami te UEA, e ngae naba ngkana kam iangoa tian te b'ai teuana, ao ane kam na namakina unna. Kam na aki teimatoa ni maiu, ao kam na kaitibo ma taian kabuanib'ai aika kakamaaku. A riki baikai ni kabane i bukina b'a kam tinanikua te UEA.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.