Itaia 51:19 - Te B'aib'ara

¹⁹ Ko a tia n uruaki n te buaka ao te rongo; I a aki konaa n anganiko karauan nanom.

Itaia 51:19 ပူးပေါင်းရင်းမြစ်များ

Iobi 2:11

Raoraon Iobi ake teniman bon Eribati man te kaawa ae buubura are Teman, Biretata man te aba are Tua, ao Toob'a man te aba are Naama. Ngke a ongo rawawatan Iobi, ao a iangoa m'anangaia ni kawaria ni kabebetea nanona.

Iobi 42:11

Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Itaia 14:30

A nang reke aia uteute i bukin kanaia aia tiibu aomata aika a maiu ni kainano aika a tangira buokaia ao a na maeka ma te rau. Ma N na kabakiia tabem'aang mai buakomi, ao a na tiringaki tabem'aang.

Itaia 22:4

Ao i mwiina, I a taku, “katukai n arou! Kariaia b'a N na tang ni katinakoi rannimatau aika a maai. A tia ni tiringaki au aomata, ma ngaia ae kam na aki karaua nanou.”

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Itaia 54:11

Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Ieremia 15:5

Kaain Ierutarem, antai ae e na nanoangaingkami? Iai ae e na titirakiningkami b'a kam uara?

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

B'aeb'aeti 3:47

Ti ngae i nanon te kangaanga ma te kabuanib'ai; ti maiu i nanon te kangaanga ma te kakamaaku.

Etekiera 14:15

Ke ngkana tao arona b'a I katuaaea te botannaomata ni kanakoia maan aika aki manana b'a a na kaniia aomata ma ni kakamaakuia taan rikekei b'a e aonga n akea kaain te aba.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Amota 7:2

Ao i nanon miiu, ao I noori rookati b'a a kang baika a mawaawa ni kabane i aonteaba. Ao I taku, “Kab'arai aia bure aomata te UEA ae rietaata! A na kangaa ni maiu, b'a bon aomata ngaiia aika a uarereke ma ni mamara!”

Naum 3:7

A na bane ni kararoako ake a noriko. Ane a na kaangai, ‘E na uruaki Ninewe. Antai ae e na kan nanoangaia? Antai ae na kan kabebetea nanona?’ ”

2.I-Korinto 7:13

Ma ngaia ae a karauaki nanora. Ao i rarikin raun nanora aei, ao e a kabatiaki riki kakatongara ni kakatongan Tito, i bukina ngke e a tia ni karauaki tamneina i roumi ni kabaneingkami.