Itaia 51:18 - Te B'aib'ara

¹⁸ Bon akea temanna mai buakoia natim aika a bati ae e mena ikekei ni kairiko n anganiko ana i buobuoki.

Itaia 51:18 ပူးပေါင်းရင်းမြစ်များ

Iobi 8:20

Ma e na bon aki kitana te aomata ae kakaonimaki te Atua, ke ni buoka te aomata ae buakaka.

Taian Areru 142:4

Ngke I tara rarikiu, ao I noria b'a akea ae na buokai, akea ae na kamanoai. Akea ae tabeakina maiu.

Taian Areru 88:18

Ko kararoaia mairou raoraou aika I rangi n tena ma ngaiia, Ao ai ti ngai n tiku n te roo.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 45:1

Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Itaia 49:21

ao e titiraki Ierutarem ni kaangai, “Bon tinaia ngai? N na kaanga ni bung ngkana I bon teimatoa naba n tangitang i abaia ianena? Antai ae e kaikawaia ataei aikai? ao a roko mai ia?”

Itaia 54:11

Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

Ieremia 10:20

A uruaki mwengara; ao a mate natira. Bon akea nikiraia ake a na buokiira ni kakaaea kamanoara.”

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Etekiera 34:6

Ma ngaia are, a maaenako au tiibu ni kabutaa te aonnaba. A tiotio nako i aon tabuki ma maunga, ao bon akea temanna ae e tabeakiniia ni kakaaia.

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

M'akuri 13:11

Ao noria, e na roko ngkai m'aakan te UEA i aom, ao ane ko na matakii n aki kona n nora taai tabe bong.” Ao a karooaki matan Eruma n te tai naba arei, ao e nakonako ni kakaeia aomata aika na tautaua baina ni kairiria.

M'akuri 9:8

Ao e teirake Tauro mai aontano; ma ngke e kaure matana, ao akea te b'ai teuana ae e noria; ao a tautaua baina ni kairiia nako Tamateko.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.