Itaia 51:13 - Te B'aib'ara

¹³ I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 51:13 ပူးပေါင်းရင်းမြစ်များ

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Iobi 37:18

Ko kona ni buoka te Atua n arora karawa ma ni karaoia b'a kaanga te biti ae matoatoa?

Iobi 9:8

Bon akea temanna ae buoka te Atua ngke E taakina nako karawa, ke ngke E toubekaa nukan te mannikaakang ae kakamaaku are i taari.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 106:13

A kai m'anuoki ana m'akuri; ao a aki tataninga ana taeka.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 16:4

Kariaia b'a a na maeka ara aomata n abam i bukin karekean mwengaraoia.” Moaaba, e na mauna nako am kairiribai ae e rangi n tiritiri; a na aki manga buakaningkami mani urui abami.

Itaia 17:10

Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 40:21

Ko tuai man ataia? Ko tuai man ongongo, E bon aki teretere raoi b'a bon te Atua ae e karika te aonnaba?

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 54:14

Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Ieremia 2:32

E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 38:19

Ao e kaeka Tetekia, “I bon aki konaa n taenikai nako ia kaain B'aburon. I bon rangi ni maakuia taiani Iutaia ake a kaman reitaki ma ngaiia. B'a ane a na anga ngai kaain B'aburon nako ia taiani Iutaia akanne, ao a na bae ni kamarakai.”

Ieremia 51:15

E kamanenaa wanawanana te Atua ao m'aakana ni karika te aonnaba ao n taakin taiani karawa.

Ieremia 51:19

Bon te UEA ae Atuaia Iteraera, ae Moan te M'aaka. E karaoi b'aai ni kabane, ao E rinea Iteraera b'a oin ana b'ai.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Taniera 3:18

E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

1.I-Korinto 1:20

E nga ane rabakau? E nga te b'akuaku n taekan te Tua? E nga te tia rabakau ni kauntaeka i aon te aonnaba aei? Tiaki E a tia te Atua ni karaoa te nanobaba b'a rabakaun aonnaba?

1.I-Korinto 15:55

Te Mate, e nga am tokanikai? Te Mate, e nga am b'ai ni kaikoaki?”

Te Tua-Kaua 32:18

Kam rairaki nako mairoun te Atua, ae ami Tia Karikib'ai, kam m'aninga taekan te B'a ae Korakora, are bon oini maiumi.

Te Tua-Kaua 6:12

ao kam na aki m'aninga ae bon te UEA ae kainaomataingkami man te toronaki i Aikubita.

Te Tua-Kaua 8:11

Kam na riai ni kakoauaa b'a kam na aki m'aninga te UEA, ke n aki ongotaeka nakon ana Tua ma ana Reirei ake I a tia n anganingkami n te bong aei. Ngkana kam ongotaeka nako iai n taai nako,

Ebera 11:15

Ao ngke tao a uringa te aba are a maeka ngkoa iai, ao a na kaman tia n reke aia tai n okiria.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:9

Ao a nako ni kabuta aon te aba, ao a otab'aninia neia ni maeka n rianna te koraki ake a itiaki, ma te kaawa are tangiraki; ao e b'aka te ai mai karawa, ao e kabuokiia ni kamaunaia.