Itaia 50:7 - Te B'aib'ara

⁷ Ma e kaawakinai te UEA ae te Atua ma te kamaamaaeaki, ma ngaia are, e aki b'ara nanou, b'a I ataia b'a E na bon aki kab'akaai te Atua.

Itaia 50:7 ပူးပေါင်းရင်းမြစ်များ

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 54:6

Te UEA, N na kukurei n anga te karea nakoim; N na anganiko katituaraoam i bukina b'a Ko raoiroi.

Itaia 29:22

Aikai taeka aika e na taekin te UEA are e kamaiuia Aberaam i bukin kanoan Iakob'a: “Ane a na aki manga mamaa ao ni b'ainrang.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 50:9

E na bon buokai te UEA ae te Atua ma ni kakoaua b'a bon tiaki te tia bure ngai. E na ongora te tia bukinai ao e na kunnikaia ae e kanaki n te koa.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Mika 1:2

Ongora ngkami aika botannaomata nako; kakauongo ngkami aika kam maeka n te aonnaba; e na kaoti arom nako aika a buakaka te UEA. Kakauongo! E taetae man ana Tembora are i karawa.

Ruka 9:51

Ngke e a kan roko te tai are E nang uotaki rake iai Iesu nako karawa ao E motika nanona b'a E na nako Ierutarem.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

I-Rom 1:16

B'a I aki mamaa n te euangkerio: b'a boni m'aakan te Atua ni kamaiuia aomata nako aika onimaki, aika I-Iutaia moa ao I-Erene naba.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.

1.Betero 4:16

Ma ngkana e maraki temanna ngkai te Kristian, ao e na aki mamaa, ma e na neboa te Atua ngkai e ingoana arani Kristo.