Itaia 50:6 - Te B'aib'ara

⁶ I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 50:6 ပူးပေါင်းရင်းမြစ်များ

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Iobi 16:10

A bane n ureki reben mataia aomata nako Iu, ao a katobibiai ma n orotabaai.

Iobi 30:10

A taraai b'a te aomata ae rangi n riribaaki, ao a iangoia b'a a rangi n raoiroi riki nako Iu. Ni karokoa a bon roko ma ni bawarea matau.

Taian Areru 129:3

A kaikoaka akuu n te aro ae rangi ni kakaiaki, ao e riki n ai aron taraan aontano ae kamarauaki tanona i bukin te ununiki.

Taian Areru 69:7

A tia ni mwemwe taeka ni kamaraki nano nako iu i bukim, Ao I taonaki n angin te mamaa ae bati.

Taian Areru 69:8

Ai aron ae te iruwa ngai nakoia tariu, ao te Ianena nakoia kaain au utu.

Itaia 53:5

E ikoaki ao e kamanatuaaki i bukin ara bure nako; e reke ae e riai i roura i bukina ngke E anaa tuuara.

Itaia 53:7

E rangi ni kabuakakaaki, ma e bon aki ngurengure. E aki kakarongoa kaanga te tiibuteteei ae e kairaki nakon te tia tiringa te tiibu ao e aki tangitang ngkana e koroburaeaki.

B'aeb'aeti 3:30

Ti na kariaia te kab'ainrangaki ma te oreaki.

Mika 5:1

Bootia am taanga ni buaka ngkoe ae Ierutarem, b'a ko a katobibiaki irouia am kairiribai. A tia ni buakana Iteraera, ao a orea taban te Tia Tautaeka n te kai.

Warekaia Iteraera 12:14

Ma E taku te UEA, “E na tiku n rawawata Nei Miriam i nanon itiua te bong ngkana e a tia tamana ni katuaaea ni baawarea matana. Ma ngaia ae, ko na katikua i tinanikun te maeka i nanon itiua te bong, i m'aain okina.”

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 27:26

E a kainaomataki ngkanne B'arab'a irouni Birato n aron are a tangiria aomata. Ao ngke E a tia ni kataereaki Iesu, ao e anga b'a E na kamateaki n te kaibangaki.

Mataio 27:30

Ao a bawareia, ao a anaa te kai ao a orea atuna iai.

Mataio 5:39

ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

Mareko 14:65

Iai tabem'aang ake a bawareia, ao a rabuna ubuna, ao a oreia ni baiia, ao a taku nako Ina, “Kaotia b'a antai ae oroiko!” Ao bureitiman a oreia n aki akaaka.

Mareko 15:19

A orea atuna n te kai, ao a bawareia, ao a katorobubua i aoni waeia b'a aongkoa a karinea.

Ioane 18:22

Ao ngke E atonga aei Iesu, ao e a oreia naba temanna irouia bureitiman ni baina, ao e taku, “Ngaia anne arom ni kaekaa aia mataniwi ibonga?”

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.