Itaia 50:4 - Te B'aib'ara

⁴ E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Itaia 50:4 ပူးပေါင်းရင်းမြစ်များ

Iobi 4:4

n tia ni kairiia ao ni kakorakoraia ake a kainanoa buokaia.

Taian Areru 119:147

Ngke e tuai n oti taai ao I weewete b'a Ko na buokai: E mena au kaantaninga n am Taeka.

Taian Areru 143:8

Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 40:7

Ao I taku, Aio ngai! am kaetieti ibuku a bane ni koreaki ni bokin te tua.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Taian Areru 5:3

Te UEA, Ko na ongo n au tataro, n te ingabong; I kawenei au bubuti i matam, Ao I kakantaningaa am kaeka.

Taian Areru 88:13

Te UEA, I weteiko i bukini buokau; I tataro nakoim ni katoa ingabong.

Taeka n Rabakau 12:25

Te raraoma bon te uota ae e rawaawata, ma e uota te kukurei n taai nako te taeka ae e akoi.

Taeka n Rabakau 15:23

E boni kakukureia aomata nako te anga te taeka n te tai ae e riai.

Taeka n Rabakau 25:11

Taekinan te taeka ae e eti n taina ae e riai kaanga ai aron te koora ae e tamaroa ae e nneaki n te tirewa.

Itaia 28:19

E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Itaia 28:9

Ti te bo ngkami aika taani kairiiri aika kam manging ma ataei aika a uarereke! Kam na kangaa n ataa ana rongorongo te UEA ke n reireiia aomata Ana rongorongo?

Itaia 35:5

Ane a na nooraki aika matakii, ao a na kamaiuaki aika a bonotaninga.

Itaia 40:29

Bon te UEA ae e anga te korakora nakoia aika a kua.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 54:13

N na reireiniia natimi ao N na karaoia b'a a na teetekeraoi.

Itaia 8:16

A na riai ni kanikinaeaki au rongorongo man anganaki au reirei.

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Ieremia 31:25

A na manga reke maiuia ma korakoraia koraki akana a kua ma ni kainano,

Etekiera 46:13

E na kaakareanaki te tiibuteteei ae ai tib'a teuana ana ririki ni maiu ae akea toabuakan rab'atana b'a te karea are kakukureiau.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 13:54

Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?

Mataio 22:46

Ao akea i rouia ae e kona ni kaeka, ao akea naba i rouia man te tai arei ae e na kani manga titirakinna.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ioane 7:46

A kaekaia bureitiman ao a taku, “Akea ma ngkoa ae aron Teuaei ngkana E taetae!”

Te Tua-Kaua 18:17

Ao i mwiina, E taku te UEA nako iu: Moote, e eti ane a taekinna aomata.

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.