Itaia 50:2 - Te B'aib'ara

² I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 50:2 ပူးပေါင်းရင်းမြစ်များ

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

2.Rongorongo 32:15

Kam na aki kananobabaaki iroun Etekia! Bon akea antiia botannaomata aika a konaa ni kaaitaraa Aturia. Kam na kakoauaai, e bon aki konaa naba Atuami ni kamaiungkami!

Taian Areru 106:9

E taetae nakon Tari are Uraura, ao e a ora naba; Ao E kairiia ana aomata ri nanon Tari i aon te tabo ae m'au.

Taian Areru 107:33

E oniki karaanga b'a rereua, ao koburake n ran b'a taabo aika m'auteretere;

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Te Otinako 7:18

A na mate taiani ika, e na m'aung te karaanga, ao akea mai buakomi ngkami aika kaain Aikubita ae na konaa n nima ranna.”

Te Otinako 7:21

e mate te ika, ao e a rangi ni boiraa te ran n te aro are bon akea temanna kaain Aikubita ae konaa n nimma. E a kabuta aon Aikubita te raraa.

Taeka n Rabakau 1:24

Kam aki kubarai ao kam aki kan ongo;

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 19:5

Ane e na m'autakataka te Karaanga are te Naire ao e na riki b'a te aba ae e mate te tano.

Itaia 23:11

E a tia ni kaenakoa baina te UEA ri aon taari, ni kab'arai nanoia botannaomata. E a tia n anga ana babaaire i bukin uruakan taian nono n te aba are Kanaan.

Itaia 36:20

Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Itaia 41:28

Bon akea mai buakoia taian bouannanti aikai ae e konaa n anga ana reirei ke ni kaekai titiraki.

Itaia 42:15

N na kamaunai taiani maunga ma b'aai ni kabane ake a maiu i aoia; N na kaorai taiani karaanga ma taian nei.

Itaia 43:16

Boni Ngai are I katabwena te kawai i nanon te marawa ae korakora.

Itaia 44:27

Bon Ngai ae I baairea taari ma karaangana nako b'a a na m'autakataka.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 54:6

Ti te bo ngkoa ma te buu ae e uarereke, ae e uruaki nanona ae e tang b'a e a tia ni kiitanaki iroun buuna. Ma E taku te UEA ae Atuam, “I a kaokiko ngkai!

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 63:13

E kairiia ana Aomata i aon taari kaanga taian aoti aika a biri i nanon te ang n aki tokitoki waeia.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 35:14

man ana kaainga kanoan Rekaba. E tuangiia ana kariki Ionataba b'a a na aki momooi n te wain, ao a ongotaeka iai ni karokoa te bong aei. Ma I aki toki n taetae nako imi, ao kam aki ongotaeka i Rou!

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:27

Ieremia, e ngae ngkana tao tera ae ko karaoia, ma a na bon aki ongo naba aomata.

Ieremia 8:6

I rangi ni kakauongo raoi, ma bon akea temanna ae e roko n te namakinna b'a e a tia ni karaoa ae e bure. Ao kam ira nako te kawai ae e kaairua n aki karaua n iangoia raoi kaanga taanga ni buaka ake a toka i aoia aoti aika a biri nakon te buaka.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

Ab'akuka 3:8

Karaanga aika a karika unim te UEA? Taari ae kakorakoraa Unim? Ko buti i aon naang; nangini buaka bon am kaa ni buaka, ngkana ko a uota te tokanikai nakoia am aomata.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

Mareko 4:39

E teirake Iesu mani matuuna, ao E takua te ang ma te nama, ni kangai, “Tai karongoa! Kainab'aabu!” E b'aka te ang, ao iai te raoi.

Ioane 1:11

E roko i abana ni koaua, ma a aki m'aneia n akoia kaain abana.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

Iotua 3:16

ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.