Itaia 50:10 - Te B'aib'ara

¹⁰ Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 50:10 ပူးပေါင်းရင်းမြစ်များ

2.Tamuera 22:29

Te UEA ae te Atua, bon au taura Ngkoe. Ko onika te rootongitong nakon te oota.

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 20:12

Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 128:1

A kab'aia akana karinea te UEA, akana karaoa nanona ni maiuia.

Taian Areru 145:21

N na kamoamoa te UEA; a na bane ni kamoamoa arana ae tabu ana kariki-b'ai ni kabane n aki toki.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 59:9

Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

B'aeb'aeti 3:2

E kab'akaai i nano, i nano i nanon te rootongitong.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Naum 1:7

E raoiroi te UEA. E kamanoia Ana aomata n tain taiani kaangaanga. E kawakinia akana a rairaki nakoina.

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Akai 1:12

A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Betero 5:7

Kam na kaaki i aona baika kam raraomaeakin, b'a E tabeakiningkami.

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,