Itaia 50:1 - Te B'aib'ara

¹ E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 50:1 ပူးပေါင်းရင်းမြစ်များ

1.Uea 21:25

Akea te aomata n aron Aaba, ae e kabonakoa i bukin karaoan te buakaka i matan te UEA, ao ni kairoroaki iroun buuna ae Ietebera.

2.Uea 17:17

A kabonganaa te tabunea, ao m'akuri ni ibonga i bukiia anti, ao a anga oin natiia b'a taiani karea. A kakaraoi b'aai ake E ribaai te UEA Iteraera.

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

Neemia 5:5

Bon I-Iutaia naba ngaira n ai aroia, ao bon ti te bo naba raoiroia ara ataei ma aia ataei. Ma ti bon kaakabooi nako ara ataei b'a taian toro, ao a tia n tauaki natira aine tabeman. Bon akea buokara; ao a tia naba n anaaki mairoura ara tawaana ma nnen arokara kureebe.”

Etita 7:4

I a tia ni kabooaki nako ma au aomata b'a ti na tiringaki. Ngke tao arona b'a ti kabooaki nako b'a ti na toronaki, ao N na bon aki karongoaa, ao N na bon aki katabetabeko iai. Ma ngkai i aoni kawaira n tiringaki.

Taian Areru 44:12

Ko kaboonakoia am Aomata n te boo ae uarereke ke ae akea booia, n akea am raka iai.

Te Otinako 21:7

E na bon aki konaa naba ni karekea te inaomata te nati ae e kaboaki nako iroun tamana n aron te mm'aane anne.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 43:27

A kakaitaraai ami moani bakatibu ma ami taani kairiiri

Itaia 46:8

Kam na kaaki inanomi te baei, ngkami aika aomata aika taani bure. Ao kam na aki m'am'aninga.

Itaia 52:3

E taku te UEA: au Aomata, kam kabooaki nako ngkoa, tiaki i bukin te m'ane, ao ngkai kam na nang kainaomataaki, tiaki naba i bukin te kabooaki.

Itaia 54:6

Ti te bo ngkoa ma te buu ae e uarereke, ae e uruaki nanona ae e tang b'a e a tia ni kiitanaki iroun buuna. Ma E taku te UEA ae Atuam, “I a kaokiko ngkai!

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Otea 4:5

Ko na tatanako ngkoe ma burabeti ni ngaina ao ni bong; N na kain wiia tinami.

Nakoaia Ibonga 25:39

Aongkoa iai tabeman i buakoia ami koraki aika rangi ni kainano n te aro are a nang kabooia nako nako imi b'a tooro.

Mataio 18:25

ao i bukina ngke e aki kona ni kab'aka, ao e tua te uea b'a e na kabooaki nako ma buuna ma natina ma ana b'ai ni kabane ake iai i rouna, b'a e aonga n reke booni mwin are e aki kona ni kab'aka.

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.