Itaia 5:9 - Te B'aib'ara

⁹ Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Itaia 5:9 ပူးပေါင်းရင်းမြစ်များ

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

Iobi 15:28

ma a maeka i buakon b'aai aika a uruaki ni kawa aika a akea kaaia.

Iobi 20:21

Akea nikiran te am'arake ngkana e am'arake; ma n te tai aei ao e a roko n tokina kaub'aina.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Itaia 22:14

E a tia n taetae nako iu te UEA ae Moan te M'aaka n taekina te berita aei: “N na bon aki kab'arai aia bure i bukin aei, ngkai a maiu.”

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 6:11

A na bane ni maerikiriki auti aika a korakora ma auti naba aika a karako ngkana E kanakoa Ana taeka te UEA.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

Mataio 23:38

Noria, e nang kitanaki ami um'antabu, ao a nang akea kaaina.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.