Itaia 5:8 - Te B'aib'ara

⁸ Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Itaia 5:8 ပူးပေါင်းရင်းမြစ်များ

Iobi 15:28

ma a maeka i buakon b'aai aika a uruaki ni kawa aika a akea kaaia.

Iobi 20:21

Akea nikiran te am'arake ngkana e am'arake; ma n te tai aei ao e a roko n tokina kaub'aina.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Etekiera 11:15

Etekiera, ae natin te aomata, a taku aomata aika a maeka i Ierutarem ko a rangi raroa nako ma Iteraera ake tekorakina man taromauriakiu. Ao a taku naba b'a ai bon ti abaia te aba ae Iteraera.

Etekiera 33:24

Etekiera ae natin te aomata, a taku aomata ake a maeka ni kaawan Iteraera ake a uruaki, “Bon ti Aberaam ae e anganna te UEA te aba ae Iteraera ni kabane. Ti a rangi ni m'aiti n aomata ngkai ao bon taani b'aib'ai ngaira n te aba aei.”

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Ab'akuka 2:6

Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.