Itaia 5:5 - Te B'aib'ara

⁵ Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 5:5 ပူးပေါင်းရင်းမြစ်များ

Karikani B'aai 11:4

Ao a taku, “Ti nang karaoa ngkai te kaawa ae buubura ae iai tauana ae roota karawa, b'a ti na karekea atongara iai, ao ti na aki manga uamaae nako n te aonnaba.”

Karikani B'aai 11:7

Ti na ruorikaaki ngkai ni kaminoa aia taetae b'a aonga n aki atai nanon aia karaki i bon irouia.”

Neemia 2:3

ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”

Taian Areru 89:40

Ko a tia n ururu oon ana kaawa ao Ko kamaenikun ana tabo ni karabaraba.

Taian Areru 89:41

A iraeaki ana b'ai irouia akana rikekei; A ngareakinna aomata ni kabaneia akana maeka i rarikina.

Taeka n Rabakau 24:31

E onrake nanoia n taiani kateketeke ao taiani uteute n taabo ao e a tia ni b'aka oona te atiibu.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Itaia 28:3

A bane taani manging i Eberaim ni kakatonga iroun Taamaria, ma ane a na kamanatuaaki.

Itaia 32:10

Kam na aki raraoma ngkai ma ngkana e a kaan te ririki ma ngkai ao ane e na toki tain te kureebe, ao ane kam na rurubenebene.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 21:4

A katobibiia Ierutarem kaain B'aburon ao a tangiria n tiringko ma am aomata. Ko butiai b'a N na kamaiuko, ma ko a tia ni kaunai.

Ieremia 28:8

b'a i m'aain bungiakira, ao burabeti a taetaekina te abanuea ae e korakora ae e na oreaki n te buaka, te kabuanib'ai, ao te aoraki.

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 4:12

Bon akea temanna ae kakoaua b'a e kona n niniaki Ierutarem, ni moa mai roun te aomata n aki akaaka ni karokoa te uea.

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Otea 2:14

Iteraera, bon te UEA Ngai, N na kam'aneingkami nakon te rereua ma n taetae ni kamaraurau nakoim.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.