Itaia 5:29 - Te B'aib'ara

²⁹ A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Itaia 5:29 ပူးပေါင်းရင်းမြစ်များ

Karikani B'aai 49:9

Bon te raian ngkoe Iuta, E tiringiia konana, ao e uotia nakon b'angana, E aroria ni wene. Bon akea ae kona n aki karaua.

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 31:4

E taku nako iu te UEA are Moan te M'aaka, “N na bekorara ao ni buakaniia kaanga te raian ae e aki konaa ni maaku ae e aki konaa ni kubanako n takaaruaia taani kaawakin tiibu ake a kataia ni kaawakiniia aia nanai n tiibu. Ao anne arou n roko n ruo ma ni buakaniia i aon te Maunga are Tion.

Itaia 35:9

Bon akea taian raian ke maan aika a aki manana ae a konaa ni kaaniia te kawai arei; bon ti koraki aika e a tia kamaiuia te UEA aika a konaa n rikekei.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 47:15

Bon aikai taan kaiwa aika kam a tia ni karaoa te m'akuri ni bitineti ma ngaiia ni kabane bongini maium. Ma a bon aki ataa te tabo ae a na nako iai, a aki konaa ni kamaiungkami.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 51:38

A bekorara kaain B'aburon ao a kakarongoa kaanga raian ataei.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Naum 2:11

E a ngaa ngkai te kaawa are e ab'ab'aki are kaanga ai aron ooia raian, are te tabo ike a kakaam'arakeaki iai raian ataei, ike a nakonako iai te raian m'aane ma te raian aine, ao a mano raoi iai buniia?

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Tekaria 11:3

Ongora! A tang taan kaawakin tiibu. E a tia n uruanaki aia tabo n uteute aika a mimitong. Ongora! A bekorara taian raian. A na aki manga konaa ni manga nooraki buakonikain te M'arua are Ioretan.

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”