Itaia 5:26 - Te B'aib'ara

²⁶ E a tia n anga ana kanikina te UEA nakoia botannaomata ianena b'a a na roko ni buakaningkami. E a tia ni katang, ao ae a roko ni kawaekoaia.

Itaia 5:26 ပူးပေါင်းရင်းမြစ်များ

Taian Areru 60:4

Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 13:3

E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

Itaia 13:4

Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Itaia 30:16

ao kam taku, Ti aki! Ti na bon maiu ngkana ti biri nako n rawei maiura i aon aoti aika a biri m'aaka.” Ma ane a na biri m'aaka riki akana kakioingkami.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Itaia 39:3

Ao I titirakina Etekia ni kaangai, “A nako mai ia m'aane aikai? Tera te b'ai ae a tangiria?” Ao e kaeka Etekia, “A roko man te kawai ae e raroa mai B'aburon.”

Itaia 7:18

E na katang te UEA ngkana e roko te tai, ao a na roko taanga ni buaka mai Aikubita kaanga taian nango ao mai Aturia kaanga taiani manibeeru.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

B'aeb'aeti 4:19

A birim'aaka riki ngkana a raweira nakon te ikare ngkana e b'akara kanana mai karawa n raweia. A kakioira rikaaki i aon tabuki; a raweira i nanon te rereua.

Etekiera 38:17

Ao e taku te UEA nakon Koka: N taai ake ngkoa I tuangiia Au burabeti b'a a na kauringiia Iteraera b'a n te bong teuana N na kanakoa te kairiribai b'a e na buakaniia. Boni ngkoe Koka te kairiribai, ao e a roko te bong anne.

Ioera 2:7

A tam'arakei taian oo kaanga taani buaka; a m'aati ni borein ao a aki konaa n rairaki n taraa rarikiia.

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.