Itaia 5:25 - Te B'aib'ara

²⁵ Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 5:25 ပူးပေါင်းရင်းမြစ်များ

1.Uea 14:11

E na kang rab'ataia am koraki ake a mate n te kaawa, taiani kamea, ao e na kang rab'ataia ake a mate i tinanikun te kaawa taian ikare ake taian kia. Aei bon Au taeka Ngai ae te UEA, ao N na bon aki manga bita nanou.

1.Uea 16:4

Ao ane a na kang rab'ataia am koraki akana a mate n te kaawa taiani kamea, ao a na kang rab'ataia am koraki akana a mate i tinanikun te kaawa taian ikare are te kia.

1.Uea 21:24

A na kana rab'ataia am koraki ake a mate i nanon te kaawa taiani kamea, ao a na kanaki rab'ataia ake a mate i tinanikun te kaawa irouia taiani ikare ake taiani kia.

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 9:37

Ao e taku b'a e na maenako rab'atan Ietebera i aontano kaanga butaeia maan, ma ngaia are, akea ae e konaa n ataia b'a antai ngaia.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Iobi 9:13

E teimatoa unin te Atua, ao E kamanatuaia Ana kairiribai ake a buoka Raaba, are manin taari ae kakamaaku, are e aki toki ni kakaitaraa te Atua.

Taian Areru 106:40

Ma ngaia are E un te UEA irouia ana botannaomata; Ao E ribaia.

Taian Areru 114:7

Ko na ruru, ngkoe ae aonnaba, i matan te Uea ae Atuan Iakob'a, ngkana e a roko ni kaan

Taian Areru 18:7

Ao e m'aeiei ma n ruru aonnaba; Ao a ingiing ni m'aeiei naba aani maunga, i bukin unin te Atua.

Taian Areru 68:8

Ao e m'ainging aon te aba, ao e b'aka te karau, i bukin rokom Atuan Tinai, ae Atuan Iteraera.

Taian Areru 77:18

E ongo te aba rebwen am Baa n te ukeukenanti; Ao e kaota aonnaba ootan te iti; E ruru aon te aba ao e m'aeiei.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 83:10

Ko katae aia kai i Entora, Ao a wene ni mka rab'ataia i aontano.

Te Otinako 7:19

Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 14:19

Ma ngkoe ko na katukaki n aki taunaki, ao te mate riki temanna ae e wene i aan te wae kaanga te m'aoto ni m'aanga. Ko na riki b'a temanna mai buakoia tautia aika a mate n te buaka ao a ruorikaaki nakon b'angab'angan te b'aa ae moan te nano.

Itaia 23:11

E a tia ni kaenakoa baina te UEA ri aon taari, ni kab'arai nanoia botannaomata. E a tia n anga ana babaaire i bukin uruakan taian nono n te aba are Kanaan.

Itaia 25:11

Ane a na inimaki ni kakaaea angan otinakoia, ma e na kab'ainrangiia te Atua e ngae ngkana a kai nanoia.

Itaia 29:2

N na bon teimatoa naba ni karawaawatako, ao a na tang am aomata ngkana I karaoa te baonikarea i bukim.

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Itaia 51:20

E a un te UEA ae Atuam, ao a na wene n aki konab'ai natim ni koonan kawain nuukan te kaawa ni kabane, kaanga te ria ae m'ane n te karaun.

Itaia 64:3

am m'akuri aika ko a tia ni karaoi bon baika a kamimii nakoira; a ruru naba taian maunga ngkana ko ruo rikaaki.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Itaia 9:11

E karaoia aia kairiribai te UEA b'a a na buakaniia.

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 17:4

E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 4:24

A ruru taian maunga;

Ieremia 4:8

Ao i mwiina, I taku nako ia Iteraera, “Karin i aomi kunnikai aika mangaingai! B'aeb'aeti ao taang ni kaangai, E bon teimatoa naba n un te UEA iroura.’ ”

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ieremia 9:22

“E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

B'aeb'aeti 5:22

Ko na bon teimatoa naba n aki kubariira? E a aki tootoki unim?

Etekiera 15:6

Boni Ngai ae te UEA ae te Atua ae I berita b'a N na bon katuaaia Iteraera

Etekiera 30:25

Eng, N na kamamaraa korakoran ma uean B'aburon. Ngke I anganna Au kabaang ao e kotea iai Aikubita, ao a na bane n ataia aomata b'a bon te UEA Ngai.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Amota 8:8

Ao e na m'aeiei aonnaba, ao a na bane aomatan Iteraera n taonaki n te rawawata. E na ruru aonteaba, e na iabutirake ma ni manga ora nako n ai aron te karaanga are te Naire.

Mika 1:4

A na rannako maunga i aani waena n ai aron te nenea n te ai; a na raanga rikaaki nako nanon m'arua, n ai aron raan aika a raanga i raabeen tabuki.

Naum 1:5

A m'aiei maunga i matan te UEA, ao a rannako tabuki. E ingiing aonteaba ni kaotin te UEA. A na ruru aonteaba ma aomata ake iai.

Ab'akuka 3:10

A na ruru maunga ngkana a nooriko, ao a na b'aro rikaaki raan mai karawa, ao raan ake i aan te aba, a na rurunga, ao a na tei naoia aika a rietaata.

Teb'ania 1:17

E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 31:18

Ane a na tataro nako iu, ma N na aki kubariia i bukina ngke a buakaka ma ni moana taromauriaia atua tabeman.

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.