Itaia 5:23 - Te B'aib'ara

²³ Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Itaia 5:23 ပူးပေါင်းရင်းမြစ်များ

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Taian Areru 94:21

Akana bootaki ni kario iango b'a a na kam'aruaia akana raoiroi, Ao a motiki taekaia akana aki bure b'a a na kamateaki.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Taeka n Rabakau 17:23

A kariaia te kamaraato ae e karabaaki aika a aonikai b'a e aonga n aki karaoaki te eti.

Taeka n Rabakau 24:24

A na ribaiko man kamaraiako aomatan botannaomata nako ngkana ko kainaomata te tia bure.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 10:1

Kam a reke n te kangaanga aomata! Kam a tia ni karaoa te tua ni iowawa ae aki eti

Itaia 10:2

are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 59:15

A bane aomata n taekina te kewe; tokiia akana a nako man te maiu ae e buakaka bon te urubekebeke. Ngkana e ataia te UEA ae e a tia ni mauna te motiraoi, ao E na bon aki kukurei iai.

Amota 5:12

Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Mataio 23:35

Anne bukin ae kam na bukinaki iai i bukini mateia aomata ake a raoiroi i aon te aba, mairoun Abera ni karokoa natini Barakia are Tekaria, are tiringaki i roumi i marenan te um'antabu ma te baonikarea.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.