Itaia 5:20 - Te B'aib'ara

²⁰ Kam kakaaea te kangaanga! Kam taekina te bure b'a te eti, te roo b'a te oota, ao te maai b'a te karewerewe.

Itaia 5:20 ပူးပေါင်းရင်းမြစ်များ

Iobi 17:12

“Ao a atonga te bong b'a te ngaina raoraou; ngkana e a tabe n roo, ao a ngaiia a taku b'a e a tabe n oota.”

Te Otinako 23:7

Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Taeka n Rabakau 4:17

Kanaia ma nimaia bon te tiritiri ma te iowawa.

Itaia 24:9

A aki manga anene ngkana a mooi n te wain, ao e a maai i nanon te wii.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 32:5

A nang aki rangi ni karineaki akana a nanobaba, ao a na aki anganaki nneia ni karineaki akana a maiuakina te aonikai.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Amota 5:7

Kam na mate, ngkami aika kam raira te kaetitaeka ae riai mani m'am'anaia aomata man aia riai!

Mika 3:2

ma ngaia kam tangira te bure ao kam riba te raoiroi. Kam kuoti kuniia au Aomata ngke a boni maiu, ao kam taeki irikoia man riia.

Ab'akuka 1:4

E a rangi ni mamara ao n akea bonganan te tua, ao e tuai man karaoaki te baire ae e riai. A toronib'ai riki aomata aika a buakaka, nakoia aika a raoiroi: Akea karaoan te riai.

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Te Tua-Kaua 25:1

Ngkana ko i bukibuki ma te aomata temanna n te bowi, ao ko kuneaki irouia taani moti b'a ko reke n te bure, ao ngkana tuuam te kataereaki n te kainikataere, ao e na tuangko temanna te tia moti b'a ko na wene, ao ko na anganaki kaim n aron are e bon riai n reke iroum.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.