Itaia 5:13 - Te B'aib'ara

¹³ ma ngaia are, bon akea ae e ataa aron te UEA. Ao anne bukina ngkai a na m'aiti mai buakomi aika a na uaakinaki nakon abaia ianena. A na mate ni baki ami taani kairiiri, ao a na bane kainano aomata ni bora n taka.

Itaia 5:13 ပူးပေါင်းရင်းမြစ်များ

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Taeka n Rabakau 10:21

A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Itaia 1:3

A atai aia aomata ake a kakaam'arakeaki irouia taiani kao ma taian aati, ma a tuai man ataai au Aomata.”

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 23:9

Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Itaia 3:3

mataniwi ao taani iango, taani kaiwa, ao koraki riki tabeua ake a konaa n taekin kanoan boong aika a na roko.

Itaia 44:19

Bon akea kanoan aia iango n ataa ae e kaangai, “I kauraa te ai ni iteran te kai ao I kuukana kanau te kariki ao te irikomaiu i aona. Ao I a manga karaoa te b'ai ae akea manenana ni m'akorona are teuana. Ao e aera ngkai I taromauria te m'akoro ni kai?”

Itaia 49:21

ao e titiraki Ierutarem ni kaangai, “Bon tinaia ngai? N na kaanga ni bung ngkana I bon teimatoa naba n tangitang i abaia ianena? Antai ae e kaikawaia ataei aikai? ao a roko mai ia?”

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 14:3

A kanako ia aia taani m'akuri taan tautaeka nakon taabo ike a kaawakinaki iai taian ran. Ma bon akea naba iai; ao a okirikaaki ma te b'arannano ao aia tiaeki aika bon akea naba kanoaia.

Ieremia 8:7

A ataa te tai ni kiba nako i bukin te tai ni kam'aitoro maan aika taian taoki, taian taobe, taian tuwaaro, ao taian kureen ao ni manga kiba n oki. Ma kam aki ataa te b'ai ae I tangiria ngkami aika Au aomata.

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Amota 8:13

N te bong arei a na b'aka ni kiro m'aane ma aine aika a marurung i bukin korakoran te taka.

Ruka 19:44

Ane a na boouaiko i aontano, ngkoe ma ake a maeka i nanon oom, ao bon akea te atibu teuana ae a na katikua n arona, i bukina b'a ko aki ata te tai are E kawariko iai te Atua b'a E na kamaiuko.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

2.Betero 3:5

B'a bon nanoia b'a a na m'aninga taekan te koaua aei: ae karawa e riki ma ngkoangkoa n ana taeka te Atua, ao E karika aon te aba man te ran ao n te ran;