Itaia 5:12 - Te B'aib'ara

¹² Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Itaia 5:12 ပူးပေါင်းရင်းမြစ်များ

Karikani B'aai 31:27

E aera ngkai ko m'am'anaai, ko birinako ao ko aki tuangai? Ngke tao arona b'a ko tuangai anne, ao N na bon kanakoko ma te kukurei, ao te anene ma te katangitang n taian timbere, ao taian aabi.

2.Tamuera 19:35

Ai wanibwi au ririki ni maiu, ao e a rikirake rab'atau n aki namakinaaba. I a aki ataa kangkangin te am'arake ke n ongo karongoaan te anene, ai bon akea bonganau b'a N nang riki b'a te b'ai ni katabetabe.

Iobi 34:27

i bukina ngke aikoa onimakinna, ma n aki tabe ma Ana tua.

Taian Areru 28:5

B'a a aki mutiakin ana m'akuri te UEA, ke baike E a tia ni karaoi; ma ngaia ae E na karawawataia, ao E na kamaunaiia n aki toki.

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 24:8

Bon akea ae e manga katanga taian timbere ke b'aai n katangitang aika taian karai; a bane n toki taian karongoaa ni kukurei.

Itaia 29:1

Ierutarem ae ana kaawa Tawita, are nnen au baonikarea, Ko a reke n te kaangaanga! bukamarui am toa n te ririki teuana ma teuana.

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Etekiera 26:13

Bon akea riki bukina b'a kam na anene ke ni katangitang n taian aabi,

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

1.I-Korinto 14:7

Ngke arona b'a ti te bo aron tangini b'aai ni katangitang aika akea te maiu i nanoia, n ai aron te kaib'ab'aa ke te aabi, ao e na iranaki n ataaki tangin te kaib'ab'aa ke tangin te aabi?

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.