Itaia 5:11 - Te B'aib'ara

¹¹ Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 5:11 ပူးပေါင်းရင်းမြစ်များ

2.Tamuera 19:35

Ai wanibwi au ririki ni maiu, ao e a rikirake rab'atau n aki namakinaaba. I a aki ataa kangkangin te am'arake ke n ongo karongoaan te anene, ai bon akea bonganau b'a N nang riki b'a te b'ai ni katabetabe.

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Taeka n Rabakau 23:32

ma i mwiina teutana, e na tena kaanga te naeta ae e boitin.

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 24:9

A aki manga anene ngkana a mooi n te wain, ao e a maai i nanon te wii.

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 28:3

A bane taani manging i Eberaim ni kakatonga iroun Taamaria, ma ane a na kamanatuaaki.

Itaia 5:22

Kam kaangaanga n te mooi ma renganan taiani mooi. Ma kam a reke n te kaangaanga.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Ab'akuka 2:15

Ko na b'aka. Ko a tia ni kamamaaia, ao ni kakeaia kaain rarikim, ao ni karaoia b'a ana tatatata ni koro ni manging.

Ab'akuka 2:5

Te kaub'ai bon te tia m'am'anaa te aba. Aomata aika a m'angai-n-rang a kamoamoa ao akea aia motirawa. A bon aki kona n rauaki nanoia n ai aron te mate (rua-ni-mate). Ao bon anne bukina are a buakani man taui aaba teuana i mwin teuana.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.