Itaia 5:10 - Te B'aib'ara

¹⁰ Tebwiina te eeka ni nnenaroka ni kureebe, e na ti karekea wanua te riita ranin te kureebe, ao tebubua wanibwi te riita ni koraa e na kona ni karekea tebwi ma wanua te riita te uita.

Itaia 5:10 ပူးပေါင်းရင်းမြစ်များ

Te Otinako 37:22

A karaoaki kaintaura, n reitaki ma taian m'aanga ao taian uee ni katamaroa, man te koora ae raneanea ae ti teuana ae e tia n amanaki.

Itaia 32:13

ao nakon taian auti ake a kakukurei i Ierutarem A na onrake abaia aomata n taian aroka aika a kateketeke.

Itaia 7:23

Taian nne n aroka ni kureebe aika teuana tengaa taiani kureebe i nanona aika booia teuana tengaa taiani m'akorokoro n tirewa a na manga bitaki nakon taian aroka aika a kateketeke.

Ieremia 48:33

A a nako boong ni bukamaru i bukin taian nne n aroka ma taabo n ununiki i Moaba. Bon akea riki manga te takaarua ni kukurei mairouia aomata aika taan karaoa te wain.

Ioera 1:17

A m'au taian ati i nanon te tano; e aki konaa ni manga reke tain te tai. A aki raoiroi ara auti ni uita, ao akea te uita ae e na kaawakinaki iai.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Nakoaia Ibonga 27:16

Ngkana ko katabua nakon te UEA teuana m'akoron abaia am bakatibu, ao e riai ni katautauaki boona ma m'aitin te koraa ae kona n unikaki iai, b'a tebwina te maibiibi n tirewa boon te tabo ane e kona n unikaki iai i bukin uabwi te kirokuraem te koraa ni uita.

Akai 1:6

E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Akai 2:16

ko kataia n uringa te maiu b'a e kangaa ngkoa arona i nanon boong ake a tia n nako. Ngkana ko kainanoa 200 te rawawata ni uita, ao bon ti 100, ao ngkana ko kainanoa 100 te riita, ao e na bon tii 40.

Te Tua-Kaua 28:38

Ane kam na kamrarai taian koraa aika m'aiti, ma a na rangi ni karako uaana aika kam na karekei, i bukina b'a a na kanaki arokami n taian rookati

Te Tua-Kaua 28:39

Ane kam na unika te kureebe ma ni m'akuri korakora ni kawakinna, ma ane kam na aki kiniki uaana, ao e na aki reke naba mai iai ami wain, b'a a na kanaki taiani kureebe n te m'ata.