Itaia 49:5 - Te B'aib'ara

⁵ E a kaman rineai te UEA ae te Atua i m'aain bungiakiu b'a N na m'akuri i bukina ao ni kaokiia Iteraera. Ma ngaia are, e a tia ni karineai te UEA ma ni kakorakoraai.

Itaia 49:5 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 27:12

E a roko te tai are e na ioioa iai te aba te UEA are i marenan te Karaanga are Iuberetiti ao tian te aba are Aikubita, ao e na ikotiia ana Aomata temanna i mwiin temanna.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Itaia 52:13

E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Ieremia 1:5

“Ieremia, bon Ngai am Tia Karikib'ai, I a kaman rineiko b'a ko na taetae ibuku nako ia taian botannaomata i m'aain bungiakim.”

Tekaria 6:13

E na tei te ibonga i rarikin ana kaintokanuea, ao uoman mai buakoia a na riki b'a raao aika raoiroi.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 15:24

Ao Ngaia E kaekaia ni kangai, “I kanakoaki nakoia ti tiibu ake a bua ake Iteraera.”

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ruka 19:42

ao E taku: Ko bia ataia n te bong aei, kawai ake e na reke iai te rau! Ma a karabaaki ngkai mai matam.

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

I-Rom 15:8

I tuangngkami b'a E roko Kristo b'a te tia buokiia I-Iutaia, ni kaotia nakoia b'a E a tia ni kakaonimaki te Atua ni kakoroa bukin ana taeka n akoi ake E taekin nakoia aia bakatibu ake a kakannato;

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.