Itaia 49:3 - Te B'aib'ara

³ E taku te UEA nako iu, Iteraera, bon au tia m'akuri ngkoe; N na bon rangi ni karineaki i bukim.”

Itaia 49:3 ပူးပေါင်းရင်းမြစ်များ

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 43:21

I karikiia b'a oin au botannaomata, b'a a aonga n neboai.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 52:13

E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Ioane 12:28

Tamau, neboa aram.” E roko ngkanne te b'ana mai karawa, ae kaangai, “I a tia n neboia, ao N na manga neboia.”

Ioane 15:8

E neboaki Tamau n ami kariki uaa aika bati, ao n rikimi b'a au reirei.

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.